"ဖေဖေ့မှာမှ မရှိတာ... အိမ်ပြန်ရင်တိုက်မယ်နော်သား"
"ဟင့်~~နို့နို့~~အင့်~~ဝါး"
ကလေးတို့သဘာဝ လိုချင်တာမရလေတော့ သားဟာ အာခေါင်ခြစ်ကာကျူကျူပါအောင် အော်ငိုပါလေတော့တယ်...။ ဘေးမှာကားမောင်းနေတဲ့သူကိုလည်း အားနာလှပြီ...။
"တောက်စ် !!!"
ရုတ်တရက် ဘရိတ်အုပ်ကာ ကျယ်လောင်စွာတောက်ခေါက်လိုက်သံကြောင့် သားသည် ငိုနေတာကိုချက်ချင်းရပ်ကာ ထယ်ယောင်းရင်ခွင်ထဲတိုးဝင်ပါတော့သည်...။
"ဆောရီး~~ကားတွေပိတ်နေတော့ စိတ်ရှုပ်သွားလို့... ကလေးလန့်သွားသေးလား...??"
ကားမောင်းနေရင်းမှ သားအားလှမ်းကြည့်ကာဆိုလေတော့ ထယ်ယောင်းတစ်ချက်အားနာသွားရကာ ပျာပျာသလဲပြန်ဖြေလိုက်သည်...။
"ဘာမှမဖြစ်ပါဘူး... သားကအဲ့လိုပဲ နေမကောင်းရင် နည်းနည်းအီတတ်လို့ပါ"
ဆေးရုံရှေ့ရောက်တော့ ပေါက်စလေးက အိပ်ပျော်လို့နေပြီ...။ ကားပါကင်ထိုးပြီးနောက်မှာတော့ ထယ်ယောင်းဟာ ကိုယ့်ရှေ့ကနေ သွားနှင့်တာကြောင့် ဂျောင်ကုလည်း အနောက်ကနေလိုက်ရသည်...။
"သားကိုပြနေကျဒေါက်တာက ဒီနေ့ duty off ရက်မို့ တခြားဆရာဝန်ပဲရှိတယ်တဲ့... နာမည်စာရင်းပေးရမှာဆိုတော့~~"
ထယ်ယောင်းက မျက်နှာလေးညှိုးငယ်ကာ စိတ်ပျက်နေသည့်ဟန်ဖြင့် ဂျောင်ကုကို တွေတွေလေးငေးကြည့်လို့လာသည်...။
"ကလေးပေးထားခဲ့လေ... ကျုပ်ချီထားပေးမယ်"
"အင်း~~ကိုယ်မကြာပါဘူး"
ပေါက်စလေးအား လက်ပြောင်းချီပြီးနောက်မှာတော့ ထယ်ယောင်းက အခန်းတစ်ခုထဲသို့ဝင်သွားသည်။
ဂျောင်ကုလက်ထဲက ပေါက်စကတော့ အိပ်လိုက်တာမှ ခုနကသူမဟုတ်တဲ့အတိုင်း...။ ပေါက်စလို့သာခေါ်နေမိတာ ကလေးက ဝဖိုင့်ဖိုင့်လေးရယ်...။ နေမကောင်းလို့သာ အီနေတာ တကယ်တော့ချစ်မွှေးလေး...။
ပါးလေးနှစ်ဖက်ဟာ ဖောင်းအိကာကိုက်ချင်စရာ...။ လက်လုံး ပေါင်လုံးလေးတွေဟာ တုတ်တစ်လျှက်...။ ပြီးတော့ ပေါက်စမျက်လုံးလေးဟာ ပြာပြာလေး...။ ကင်မ်ထယ်ယောင်းနဲ့မတူပဲ သူ့အမေနဲ့သွားတူတာဖြစ်မည်...။
YOU ARE READING
~~STRING~~ (Completed)
Romanceအိမ်ထောင်တစ်ခုထူထောင်ရတယ်ဆိုတာ နိုင်ငံလေးတစ်နိုင်ငံကို ထူထောင်ရတာနဲ့တူတယ်~~ ယုံကြည်မှုဆိုတဲ့ ကော်လေးနဲ့ကပ်ထားနိုင်မှ အဲ့ဒီအိမ်ထောင်ရေးက ခိုင်မြဲတာတဲ့~~ အတွေ့တွေ အငွေ့တွေဆိုတာ နေရောင်လာရင် ပျောက်တဲ့နှင်းလိုပါပဲ~~ တကယ်တမ်းစစ်မှန်တဲ့ ခိုင်မြဲမှုဆိုတာ မ...
Part - 4
Start from the beginning
