ကျန်ရှင်းဆွေ့နဲ့ နင်ဇယ်အတူတူလိုက်သွားလိုက်တော့ အဝေးကြီးကနေကို ရှန်ရှင်းချန်ရဲ့အစာစားဖို့ တောင်းဆိုနေသံကို ကြားနေရတယ် "ကျွန်တော်တို့ကိုခေါ်ပြီး အတူတူစားရအောင်ပါ ကျွန်တော်ဗိုက်ဆာနေပြီ!"
ထူရာကအားနာစွာနဲ့ပဲ ပြုံးလိုက်ကာ "ရှင်းချန် ကျဲတို့ကလည်းအတူတူစားဖို့ခေါ်ချင်ပေမဲ့ ရိုက်ကူးရေးအဖွဲ့က ခွင့်ပြုမထားဘူးလေ မင်းတို့ကိုယ့်အားကိုကိုးပြီး မုန့်စားဖို့လဲလှည်ရမှာ မင်းတို့မှာ'StarBean'တွေရှိတယ်မလား အဲ့ဒီ'StarBean'တွေသုံးပြီး ဝယ်လို့ရတယ် 'StarBean'တစ်ခုကို တစ်ယွမ်လေ"
အဲ့ကျတော့မှ သူတို့'StarBean'တွေ မသုံးရသေးဘူးဆိုတာ သတိရကြတော့တယ်။
ပြီးတော့ ကံမကောင်းတာက ရှန်ရှင်းချန်ကဘယ်တော့မှ မခြွေတာတတ်တဲ့သူပဲ။ အရင်တစ်ခေါက်ပြိုင်ပွဲတုန်းက ရေပြွတ်တစ်လက်ဝယ်လိုက်ပြီး နောက်ပိုင်းမှာပစ္စည်းမျိုးစုံကို လဲလှယ်လိုက်သေးတယ်။ အစောကတည်းက'StarBean'တွေ သုံးကုန်သွားလေပြီ။
နင်ဇယ်ကလည်း အစောကတည်းက 'StarBean'တွေကို ဝိတ်တုံးတွေနဲ့လဲလိုက်ပြီ။
ကျန်ရှင်းဆွေ့က "ကျွန်တော့်မှာနည်းနည်းကျန်သေးတယ် ကျွန်တော်ဝယ်လိုက်မယ်"
သူ့မှာ'StarBean'အခု၃၀ရှိနေသေးတယ်။ ဒါပေမဲ့မထင်ထားတာက တောင်ပေါ်ကပစ္စည်းတွေက အရမ်းစျေးကြီးလိမ့်မယ်လို့ပဲ။
အာရီ(အန်တီ)က လက်ထောင်ပြီးစျေးနှုန်းကိုပြောလာတယ် "အလိပ်ကို အသားထည့်မှာလားမထည့်ဘူးလား အသားထည့်ရင်၂၀ယွမ်ပါ"
တကယ်လို့အသားမထည့်ရင် တစ်လိပ်လုံးက ဂျူးတွေချည်းပဲဖြစ်နေလိမ့်မယ်။ သူတို့အားလုံးစားနိုင်မှာမဟုတ်ဘူး။ အဲ့တာကြောင့် သေချာပေါက်အသားထည့်ရတယ်။ နင်ဇယ်နဲ့ရှန်ရှင်းချန်က ကျန်နေသေးတဲ့ 'StarBean'၁၀ခုကို ခြစ်ကုတ်ထုတ်လိုက်ပြီး ပန်ကိတ်လိပ်၂လိပ်ဝယ်လိုက်ကြတယ်။ ဒါပေမဲ့ ယောက်ျားလေး၃ယောက် စားဖို့အထိတော့ လုံလောက်မနေခဲ့ဘူး။
ရှန်ရှင်းချန်မဝေးလှတဲ့နေရာက နည်းပြတွေစားပွဲပေါ်က မနက်စာတွေကိုကြည့်နေတယ်။ သွားရည်တွေတောင် မျက်လုံးထဲကနေ စီးကျလာတော့မတတ်ပဲ။
YOU ARE READING
အမြောက်စာခံအတုအယောင်သခင်လေးကပြန်လည်မွေးဖွားပြီးတဲ့နောက်မှာထိတ်လန့်သွားရပြီ
RomanceTitle - Cannon Fodder Fake Master Was Stunned After Being Reborn {炮灰假少爷重生后惊呆了} Author - 稚棠(ZhiTang) Status in coo - 108 Chapters + 6 extras တစ်ကြောင်းတည်းမိတ်ဆက် - အစက ကိုယ့်ကိုယ်ကို အတုအယောင်သခင်လေးထင်နေတာ လက်စသတ်တော့ သခင်လေးအစစ်အမှန် ဖြစ်နေတာကိုး။...
Chapter - 38.1
Start from the beginning