الساعه 7 الصبح قام حمدان على اتصال من يده ، يبلغه ان في ضيوف اين الشركه اليوم و هو الي يلقي الخطاب ، قام حمدان تسبح و تكشخ على السريع عشان يروح و يلحق يجهز له كلام يقوله ، الساعه 8 دق بو خليفه على روضه لكنها ما ردت لانها راقده ، دق على راشد و طلبه اييب له روضه الشركه لان محد فاهم في شغل التسويق غيرها ، حامل راشد مع روضه لين ما اقتنعت ، بدلت و وصلها راشد الشركه ، دخلت مكتبها و لقته مثل ما هو مات غير ، شافها يدها و هي داخله الشركه و راح على طول لـ مكتبها ، كان بوخليفه واقف يشوف روضه و هي تدور داخل المكتب ؛
بو خليفه : على حطة يديج
روضه : ما غيرتوا شي
بو خليفه : لانه بيبقى مكانج
***
طلع موظف اسمه ( صقر ) من مكتبه يبا بو خليفه و قالوله ان بو خليفه في مكتب روضه ، استانس صقر ان روضه موجوده ( صقر موظف تدرب تحت ايد روضه و صار وايد شاطر و فاهم في قسم التسويق و الجوده ، و ترقى و صار مدير قسم الجوده ) دخل مكتب روضه و هو شاق الابتسامه ؛
صقر : الحمدالله على السلامه
روضه : الله يسلمك
صقر : عاش من شافج والله
روضه : تسلم
بو خليفه : زين عيل صقر ناش روضه بـ الاوراق الي في يدك
صقر : ان شاء الله
( طلع بو خليفه و قعدت روضه قعد صقر قدامها و حط الملفات قدامها )
روضه : بشر شو الشغل ؟
صقر : و الله ابشرك بفضل الله و بفضل انا اليوم مدير قسم الجوده
روضه : تستاهل والله ، انت ريال شاد حيلك و تستاهل كل خير
صقر : عندنا اليوم ماتمر صحفي
روضه : عشان جي يدي يباني ايي
صقر : اعتقد ، ممكن تقرين الورقه الي قدامج و تعطيني رايج ؟
روضه : انت ما يحتاي حد يراجع وراك
صقر : شهاده اعتز بها من مديره مثلج
روضه : الحين انا مش مديره عليك ، صار حالك من حالي
( دخل حمدان و عطى صقر نظره و طلب منه يطلع )
روضه : شفيك على الريال ؟
