حمدان : وايد ماخد راحته
روضه : تراه ما سوى شي
حمدان : المهم عن شو موضوع المؤتمر
روضه : والله ما ادري بس انا ما بحضر
حمدان : كيف ؟ يديه قال انتي بتمثلين قسم التسويق
روضه : بطرش صقر يمثل قسم التسويق و الجوده
حمدان : يارب يديه يثق فيني كثر ثقته في صقر
روضه : لا تنسى ان صقر كان متدرب عندي و انا اثق بـ الي دربتهم
***
الساعه 7 المغرب طلعت ساره من الجيم و مرت على كوفي قريب من الجيم عشان تتقهوى ، نزلت و طلبت لها كوفي و قعدت تشربه ، كان في واحد في الطاوله الي عداله يشوفها و تلف عليه تباه يوقف لكن كان مستمر في النظر و يشوفها بشكل غريب ، التفت ساره و ابتسمت له قام الريال من مكانه و راح صوبها ؛
ذياب : ممكن اقعد ؟
ساره : تفضل
( بندت تلفونها ساره و قعدت تشوفه تترياه يقول شي )
ذياب : سيارتج نيسان نيسمو و الرقم ثلاثي
ساره : هيه ،كيف عرفت ؟
ذياب : انا راعي الفتك
ساره : اصبر شفت وايد فتكات هالفتره ، ذكرني
ذياب : فتك اسود عند الشارع المقطوع
ساره : هيه ذكرتك
ذياب : ياربج الحين احسن ؟
ساره : ابشرك ملج و صارت على ذمته و اييبها البيت صوبنا
ذياب : الله يصبرج
ساره : عادي أقلمت نفسي ، المهم بسألك
ذياب : شو ؟
ساره : في خاطريه ادخل حلبه
ذياب : يارب تستهبلين
ساره : لا والله صدق
ذياب : يعني حلبة سباق ولا ؟
ساره : لا تفحيط ، لا يروح تفكيرك بس احس في خاطريه
ذياب : كيف يعني لا يروح تفكيري وانتي صدمتي عيشتي
ساره : اوك خلاص اسكت احسن لي
***
بارت 66 : تحت تأثير جرح مبطي ما برى
Start from the beginning