راشد : ياحي هالاتصال و ياحي راعيه
روضه : صباح الخير
راشد : صباح النور و السرور ، ترا اليوم بعيون هل حامد حق فطيم اتمنى انج داقه عشان تبشريني انج بتكونين معاها
روضه : لا ما بكون معاها في البيت طبعاً ، بس عندي خطه ثانيه
راشد : اهم شي انج تشوفينها
روضه : على الساعه اربع اباك تي و توديني الصالون
راشد : زين عيل اربع انا عندج
روضه : قبل اربع لاني لازم اكون هناك اربع
راشد : ان شاء الله
***
رجع محمد لـ مريم و تقهوى معاها ، بعدها راحوا يدورون محل محل عشان ، اخر محل مجوهرات دخلوه لقوا شي حلو و خذه محمد لها بعدها طلعوا خلاص بيردون البيت عشان بعد محمد يلحق يرد دوامه ، اركبوا السياره و تذكر محمد انه ناسي شي و نزل اجيبه ، رد لـ غراف و خذ الكيس و رد للسياره عطاه مريم ؛
محمد : صدقيني مايهون علي اخلي شي في خاطرج
مريم : يارب تستهبل
محمد : لا والله ما استهبل ، وايد حبيته عليج
مريم ( و عيونها دموع ) : بس جي واايد ، بتفلس
محمد ( يمسح دموعها ) : لا تيبين طاري الفلوس حلالي هو حلالج و الي في خاطرج بيوصل والله مالي شي في خاطرج
مريم : لا بس صدق المبلغ الي دفعته عليه ترا ما يسوى تدفعه عقد بسيط
محمد : يخي دفعت و انا مستانس ما نقص مني شي ، و اذا في شي ثاني في خاطرج من عيوني انتي بس تامرين امر
مريم : يا الله ، بس صدق يعني شكراً والله ما توقعت تاخذه خاصتاً بعد ما سمعتهم كلهم يقولون لا تاخذينه
محمد : بس انتي و خاطرج ما تهونون علي
***
رد محمد مريم البيت و هو رجع لدوامه ، دخلت مريم البيت ولقت امها في ويهها حاولت تدس كيس غراف لكن مافي آمل يندس ؛
منى ( ام راشد ) : خذتيه ؟
مريم : والله هو خذه لا تشوفيني جي
منى ( ام راشد ) : تتهنين فيه
مريم : عبالي بتاكليني
منى ( ام راشد ) : ليش ؟
مريم : نظرتج تقول اني مسويه مصيبه
***
الساعه 3 دق هزاع على راشد و قاله انه ياي بيتغدا معاهم و لكن راشد قاله لتي اليوم عشان لا يخرب على فطيم فرحتها و استانس هزاع ان روضه بتشوف فطيم ، الساعه اربع ،، في الصالون ،، كان الترتيب بالضبط مثل ما طلبت روضه و كانوا الصالون داقين على فطيم من قبل و قالوا لها ان في وحده حاجزه لج الصالون و تقدرين تين و تسوين الي تبينه و لان الصالون صالونها المفضل استانست و يتهم بالضبط على الموعد الساعه اربع و دخلت و استانست ان المكان مرتب و كان روضه تشوفها من بعيد لبعيد لكن هب مستعده الحين ، اما فطيم عبالها البنات مسوين لها مفاجئه و بيسون لها سبرايز بيطلعون لها بعد شوي ، بعد ماخلصت من المني بيدي هني استجمعت روضه نفسها و طلعت عشان تفاجئ فطيم و بالنسبه فطيم مشاعرها لا توصف بس كانت طايره من الفرحه يوم شافت روضه و حضنتها لمده طويله و كانوا في ثنتين يصيحون و دموعهن ابداً ماوقفت و استجمعت روضه نفسها و طبطبت على فطيم ؛
روضه : صدقيني انج بتكونين اجمل عروس
فطيم : ما ايي صوبج
روضه : لا والله انتي الجمال كله
فطيم : بتكونين موجوده صح ؟
روضه : فطيم تدرين ان ودي اكون موجوده بس ما اقدر
فطيم : يعني ما اشتقتي شو ؟
روضه : لا والله ميته شوق بس نفسي فوق كل شي
فطيم : ما شتقتي حق اميه و ابويه
روضه : لا ترا دايماً ايوني و يطمنون علي
فطيم ( بصدمه ) : صدق ؟
روضه : هيه صدق
فطيم : و انا اقول ليش اميه و ابويه ما يطرون و يعني عادي الوضع
روضه : اصلاً ابويه الي اقترح اننا نطلع من البيت
فطيم : ما كنت ادري
روضه : المهم الحين خلينا ننسى كل شي و نستانس
فطيم : روضه دخيلج دخيلج دخيلج اباج تكونين معاي
روضه : ما اقدر اشوفهم ما اقدر فطيم صدقيني ما اقدر
فطيم : انزين خليج عندي في الغرفه والله ما بتشوفين حد
روضه : امام مادري بشوف
***
يتبع ،،،
بارت 57 : مرت سنه
Start from the beginning