اكتفى راشد بانه يحضنها ماقدر يقول لها اي شي ، قامت روضه و هي معصبه ؛
روضه : و بعدين لا تقول ليش ماتقدرين تطلعين حق خوانج ، لان كل البشر واحد
***
راحت روضه للغرفه بتنام و قام راشد بيروح فوق لكن دق له هزاع و طلع برا. يقعد في الحديقه ؛
راشد : هلا هزاع
هزاع : هلا داق بسألك عن روضه
راشد : طلعت كل الي في خاطرها ، اسمح لي ما اقدر اتوسط لكم عندها
هزاع : عسى ما شر ؟
راشد : يدتيه تمثلكم كلكم
هزاع : اخ بس اخ ياحظ أحمد
راشد : والله يا هزاع انا اعرف ان انت الي بتقدر تلين راسها
هزاع : راشد انا ما ابا شي بس ابا اشوفها
راشد : روضه ماهي روضه لوليه يا هزاع
هزاع : شو الي تغير فيها ؟
راشد : والله اني ناسي ضحكتها و ابتسامتها حتى من كثر الصياح المنطقه الي تحت العين اسودة و الويه صار باهت
هزاع : لا تقول
راشد : والله ما ودك تشوفها في هـ الحال
هزاع : و هي متى تكون موجوده او تحت في الصاله
راشد : والله مادري انا ما اشوفها غير على الريوق و الغدا و العشا
هزاع : و غداكم متى ينحط ؟
راشد : الساعه ثلاث
هزاع : زين عيل انا باجر بيي اتغدى عندكم
راشد : زين
***
( الساعه ١١ اليل )
طلعت ام خليفه من بيتها بتبند ليتات الميلس ، دخلت و لقت حمدان و محمد قاعدين و قعدت معاهم ؛
ام خليفه ( مستانسه ) : ماهقيت القاكم برواحكم
محمد : آمرينا ؟
ام خليفه : انتوا جاهزين ؟
حمدان : حق شو بعد ؟
ام خليفه : حق شو بعد حق العرس
حمدان ( بـ حماس ) : اشوا ، هيه انا جاهز
بارت 56 : مرت سنه
Начните с самого начала