طلع هزاع و عاشه كملت تلعب ( قرية السنافر ) ، و من الاندماج نست انها حاطه الاندومي على الغاز ، حس هزاع ان الاندومي وايد طول و خذ وقت اكثر من اللازم طلع تلفونه و دق على عاشه ؛
عاشه : هلا
هزاع : اهلين ، هذا ما صار اندومي
عاشه : وييييي سوري نسيت عن الانودمي
( حطته سبيكر و قامت تبند الغازي )
هزاع : عيل انا قلت كلته و نستني
عاشه : اصلاً عادي هو حلو يوم يكون اوڤر كوكد
هزاع : نفس الي تسويه سلامه فديتها
عاشه : لو سمحت يعني لو بتقعد تقارن هب لازم تاكل
هزاع : هب مقارن يلا عاد طولتي انا ايعان
عاشه : زين اصبر ، تبا كولا ؟
هزاع : م أقول لا
عاشه : زين انت وين ؟
هزاع : في اليلسه الي قدام البيت
***
قعدوا عاشه و هزاع ياكلون برا ، حلاحظ هزاع ان عاشه قاعده ترتجف من البرد فعق الجاكيت الي عليه و عطاها اياه عشان تلبسه و من شدة البرد الي كانت تحس فيه عاشه ماقدرت ترده ، وصلت رساله لعاشه في السناب من ( مها 🤮 ) بقق عيونه هزاع يوم قرا الاسم و عاشه ماقدرت تمسك نفسها و ضحكت ؛
عاشه : اخخخ لو صورتك ويهك بيكون استكر الموسم
هزاع : انزين ليش هالفيس
عاشه ( وهي تفتح الرساله ) : مها بنت ( بو يابر ) ، م ابلعها
هزاع : بلوك
عاشه : ااافففف بيونا
هزاع : متى ؟
عاشه : باجر قصدي يعني الصبح بعد شوي
***
( في لندن )
ويكند و مافي اي مخطط ، قام زايد الساعه 10 الصبح و استانس يوم شاف شمسه بعدها راقده على طول قام غشل ويهه و راح للمطبخ يجهز الريوق ، وبعد ما جهز كل شي و رتب الطاوله دخل الغرفه و قعد بشويش على السرير مقابلها كان يقول بينه و بين نفسه ( اخخخ يا جمالها وهي نايمه ، اففف الحين كيف اوعيها ؟ة! فكر يا زايد ، احس م اخرب عليها نومها و اترياها توعا بروحها ، حرام امس الليل مانامت من ويع بطنها ) بعد مرور ربع ساعه و هو بس قاعد يتأمل قرب منها وحط شفايفه على خدها و قعد يبوسها ، فتحت عيونها و حط عينه في عينها وكمل يبوس خدها و هي تشوفه و مبتسمه ؛
زايد : انتي وين عني من زمان
شمسه : قدامك بس م كنت تشوفني
زايد : كنت غبي ولا اعرف قيمة النعمه الي بين ايدي
( اعتدلت شمسه وحطت يدها على بطنها و حط زايد يده فوق يدها )
شمسه : احس بمقص
زايد : قريت ان عصير البرتقال الفرش زين للحوامل و سويت لج عصير برتقال فريش
***
مسكها من يدها و دخل معاها الحماما غسل وييها وطلعوا للصاله يتريقون ، تغير زايد 360 درجه وتعلق في شمسه بشكل جنوني ، صارت موجوده في كل تفاصيله ، عشقها بجنون و في يوم و ليله صارت هي كل دنيته ، بعد الريوق قامت شمسه وشلت الصحون تغسلهن و حلف عليها زايد انها تقعد و هو بيغسل الصحون عنها و بينظف الغرفه و الشقه كلها ، استغربت شمسه من التغيير المفاجئ ، ياب لها زايد سلة الكواي و الكوايه و الطاوله و حطهن قدامها ؛
زايد : الشي الوحيد الي م اعرف اسويه ، اسمحيلي بس والله لو اعرف جان انا الي كويت ولا تعبتج
شمسه : شدعوه بتعب ترا متعوده
زايد : الحين انسي الي تعودتي عليه من اليوم انا بساعدج في شغل البيت
شمسه : زايد انت مريض ولا تعبان ولا فيك شي ؟
زايد : مريض وانتي الدوا
شمسه : لا صدق هب صاحي
( بعد ما خلص زايد من التنظيف و خلصت شمسه من الكواي انسدحوا مع بعض على الكرسي بيتابعوا فلم و من زود حب زايد لـ شمسه كان ماتمر عليه دقيقه إلا و هو بايس خدها وطرف شفايفها اما شمسه كانت وايد مستانسه عليه )
***
يتعبع ،،،
طلبتكم طلبه انكم تمرون على اخر فيد نزلته في تيك توك و كتبوا لي رايكم في الروايه بلييييززز 😭💞
Tik tok : M7rak
بارت 44 : حبك ملك قلبي وفكري وظني
Start from the beginning
