أحمد : يعني انتي همج المعاش و الفلوس
مهره : هيه ولا كيف بأمن مستقبلي ومستقبل عيالي
أحمد : جي الموضوع عيل
مهره : انا هب غبيه اترك العز الي انا فيه عشان حب
أحمد : يا خساره ليتني ما شفتج هاك اليوم
مهره : عن الكلام الفاضي فكر بعقل و حط نفسك مكاني
أحمد : اقول برايج ما اقدر اتحمل ارمس ناس سطحيين
مهره : زين برايك بس بتردك الحايه
أحمد : شو الي بيردني ، خلاص انتي انخطبتي ، يعني كل واحد منه يروح في طريقه
مهره : جاوو
***
ساعه اربع العصر رجوا الشباب مت المسيد البعض رجع للميلس و البعض دخل بيت ام خليفه يقومونا ، دخل محمد لغرفة يدته ولقاها تصلي ، بعد الصلاه طلعت لهم ؛
ام خليفه : يامرحبا
هزاع : لمرحب لا هان
ام خليفه : ابا حد يروحبيه ليوا اشوف الحلال
هزاع : بوديج صوب عزبتيه
ام خليفه : اي عزبه بعد ؟
هزاع : الي في سويحان
ام خليفه : يلا عيل روحنا
هزاع : حمود ابا مفتاح الفتك
محمد : مالي في القراج ، فيصل فالميلس مر عليه وخذ مفتاح سيارته
ام خليفه : وانا بشوف منو بيروح من البنات
***
راحت ام خليفه تجهز المعمل ، وتريت البنات لين ماين طبعاً محد تحمس غير ( روضه و فطيم وشمسه ) ركبن في الفتك من ورا وركبت يدتهن قدام وراحوا للعزبة ، في طريقهم لسويحان فتح هزاع موضوع العرس وقال ليدته انه خلاص عزم على العرس وماعنده اي مانع تخطب له الي تباها ؛
ام خليفه : الي تعرف تزغرط تزغرط يابنات
كلهن : مانعرف
ام خليفه : خلاص يعني اخطب لك
هزاع : هيه اباها على ذوقج
ام خليفه : ها بنات شو رايكن ؟ منو نخطب له ؟
روضه : تبا من برا العايله ولا من بنات العم
فطيم : يدوه اخطبي له سلامي والله يليقون على بعض
ام خليفه : حتى انا افكر جي
روضه : هيه احس سلامي بتيوز له
ام خليفه : ها شو رايك ؟
هزاع : مسكينه صغيره وفرق العمر الي بينا وايد
شمسه : لا مش وايد
روضه : بالعكس فرق العمر الي بينكم حلو
هزاع : انتوا جي اتشوفون ؟
روضه : هيه بليز هزاع لا تفوتها
هزاع : انزين شاوروها اول
فطيم : خلاص انا بشاورها
***
وصلوا للعزبة ونزلت ام خليفه تشوف المكان وتقيمه وتعطي هزاع كم نصيحه بخصوص المكان وكيف يقدر يخليه مرتب ومناسب للجمعات و العزايم ، كان هزاع يسمع ليدته ويمشي معاها لكن فالحقيقه كان قاعد يسلك لها ، لان معاشه شوي ويحاول كل مايقدر انه يدخر له فلوس للمستقبل ، اذن المغرب وصلوا جماعه بعد الصلاه اركبوا السياره وجعوا ابوظبي ، فطيم ماهقت هزاع يقتنع بالزواج ويوافق من وصلت البيت على طول دقت على سلامه عشان تشوفها وتكلمها في الموضوع .
يتبع ،،،،
بارت 32 : ليت ماله في ذرى صدري مجال
Start from the beginning
