روضه : زين قول انه وصل ، ولا اونه زعلان
راشد : والله مادري منو الزعلان
( حامد منزل راسه مستحي وساكت )
ام خليفه : قوموا دخلنا داخل
سالم : يدوه البنات داخل
ام خليفه : الي يقول يتغشن عاده ، هن حجاب ياله يلبسنه
احمد : الله يعينه الي يطيح في لسان يدتيه
فيصل : يمكن الريال يستحي
ام خليفه : لا هو الحين واحد منا وفينا
***
دخلوا الميلس و البنات ابداً ما لاحظن حد غريب ، كانن يتصرفن ويسولفن على طبيعتهن و ولا حد نبهن ان في شخص غريب بينهم ، بس فجأه ام خليفه قالت بصوت عالي ؛
ام خليفه : بنات سكتن شويه ، انزين حامد قولي انت من قومه ؟
شيخه : حامد ؟ منو حامد ؟
احمد : الي عدال يدتيه
شيخه : اوه سوري
***
( الساعه 8:30 دخلت فطيم الميلس )
فطيم : قايز شرايكم نتعشا برقر اليوم ؟
ياسر : انتي بتسوينه ؟
فطيم : ياليت بس تعرف لو انا بسوي شو يصير فـ منعاً للاحراج مابسويه
روضه : لا تشوفوني ، انا مافيني
حامد : دامني واحد منكم وفيكم ، انا بسويه
ام خليفه : لا انت ضيف
حامد : افا من شوي تقولين واحد منكم وفيكم
فطيم : معليك من يدوه ، في اشياء معينه تباها ولا نفس برقر العالم والناس
( قال لها حامد شو بيحتاج بالضبط و راحت فطيم تجهز السمان ( الأغراض) ، كل شوي كانت ترجع تتأكد شو يبا بالضبط عشان ماتنسى شي ، بعد ما جهزت كل شي برا فالجلسه دخلت الميلس ) ؛
فطيم : اخوي لو سمحت
راشد : يبوي انتي هب في مطعم ، اسمه حامد
حامد : هلا ؟ كل شي جاهز ؟
فطيم : هيه وتقدر تتفضل تشوف بعينك
( طلع حامد وطلعوا معاه سالم وياسر ومايد )
***
يلست فطيم بين البنات تسمع سالفتهم وبعد ماخلصوا من السالفه :
فطيم : بنات منو ها المزيون ؟
نوره : منو ؟
فطيم : حامد
نوره : مادري
فطيم : وانتن اونكن ماتدرن
راشد : فضضوول ، هذا راعي الكوفي لي طلبت منه
فطيم : اوك ، وشو يابه ؟
راشد : بتخليني اكمل الرمسه ولا بتقعدين تسألين ؟
فطيم : كمل كمل انا بسكت
راشد : الله يسلمج الهوش روحن
فطيم : اكرهك
راشد : انا الي ميت فيج
روضه : مال التوصيل مش موجود عشان جي هو وصل الطلبيه
فطيم : هو ليش بينا شو السالفه ؟
فيصل : نحن المفروض نسكت لكنج وايد تسألين
فطيم : يخي شوو
احمد : ياي يشوفج عشان يخطبج
فطيم : احلف
فيصل : مانحلف على اشياء سخيفه
فطيم : افف ليته صدق ياي يخطب ، ع الاقل بروح اجابل ويوه يديده
احمد : مالج غير ولد عمج
فطيم : الحمدالله محد قدي
فيصل : سالم وزايد بس اكبر منج بشوي
فطيم : ههههههه زايد حق شمسه و سالم خطب فاطمه
روضه : العيد
فطيم : اوووففف ترا امزح يجماعه ، برايكم بروح اجابل الي برا وبسوي طاقة جذب
***
طلعت فطيم برا وقعدت معاهم كانت تحاول تلفت انتباه حامد باي طريقه وللاسف حامد ماكان يبين لها انتباهه ، يأست فطيم ورجعت داخل تتذمر انه بداً ماعطاها ويه ، ماشي خمس دقايق ورجعت طلعت فتحت تلفونها تسوي نفسها مشغوله ، وهو يشوفها وهي كل ما شافته صد عنها واذا انشغلت في التلفون قعد يشوفها ،،، بعد العشا ،،، طلعت مريم بصحن السويت الي سوته العصر وحطته قدام فيصل ؛
مريم : اعرف انك تحبه
فيصل : واحب وايد اشياء
مريم : بالعافيه
***
استأذن حامد وقام ركب السياره بيروح ركض وراه ياسر وخذ رقمه ، طبعاً راح حامد و خذ معاه قلب فطيم وروحها وهو كان حاس بنفس الشعور راكب سيارته وبيخلي قلبه وروحه وراه .
يتبع ،،،
بارت 20 : مدري خيانه ولا هي ظروف
Start from the beginning
