راشد : الغدا جاهز ؟
منى : هيه حياكم على الطاوله
راشد ( الصغير ) : عمي بتوديني المول اليوم
منى : لا حبيبي ، اليوم عمك مشغول
استغرب راشد ، وقعدوا على الطاوله يتغدون ، بعد الغدا ايلسوا وراحت منى تسوي لهم شاي ؛
راشد : اخبارك راشد ؟
راشد ( الصغير ) : بخير ، ابا اروح المول اشتري فلم حق السوني
راشد : وليش ما ودتك منى ؟
راشد ( الصغير ) : تقول ماعندها فلوس يكفن لين اخر الشهر
روضه : معليه حبيبي الشهر الياي بتوديك
راشد : غريبه ، خلصن الفلوس !!
( يابت منى الشاي وقعدت وطلبت من راشد الصغير يروح يلعب في غرفته )
منى : اسمح لي راشد
راشد : مسموح آمري
منى : انا تقدم لي واحد وبتزوج و اسفه مابقدر اربي راشد الي تقدم لي مايبا يربيه
روضه : شو ؟
راشد : دقيقه روضه ، خلاص تمام راشد انا بربيه بس ابا منج كم توقيع وانا باخذه بربيه
منى : الصراحه هو ماعنده مناعه وانا وايد تعبت وعانيت معاه
راشد : تمام خلاص انا بخلص كم شغله وبمر عليج العصر توقعين و انتي جهزي سمانه بشله
( طلع راشد من الشقه معصب وطلعت روضه وراه )
***
في السياره قال راشد لروضه قصة الولد من الألف للياء ، وسألها اذا هي بترضى انه يعيش معاهم ؛
روضه : اكيد ، ماعندي مانع بربيه
راشد : شكراً
روضه : عندي سؤال
راشد : الي هو ؟
روضه : امنت له مستقبله ؟
راشد : هيه معاش كل شهر ينزل في حسابه و بسجله في احسن المدارس
روضه : هب هذا قصدي
راشد : عيل ؟
روضه : اقصد دام النفس طيبه الحين سجلت باسمه بيت او شقه ، مزرعه شي للمستقبل ، لان ماتدري شو يصير عقب ترا النفس طمعاه
راشد : لا ، اصلا ماعندي شي انا
روضه : عيل خلنا نرمس يديه ، صدقني بيساعدنا
( وصلوا البيت ودخلوا الميلس الخارجي وعلى حظهم كان يدهم قاعد بروحه )
بو خليفه : يا مرحبا بالعرسان
راشد : لمرحب لاهان
روضه : يدي طالبينك ولا تردنا
بو خليفه : تامرون امر شو بغيتوا بيت ؟ سياره ؟ طياره ؟ قصر ؟ ارض ؟
راشد : ماتقصر ، بس عندي صبي يتيم ماعنده حد ولا عنده شي ، ودام النفس طيبه ع قولة روضه ابا فيلا له تتسجل بأسمه
بو خليفه : ان شاء الله بس شو قصة الصبي
( قاله راشد قصة الولد من الألف للياء )
بو خليفه : وعمته ماتباه
راشد : هيه ياها النصيب ومابترده
روضه : ها يدي شو قلت ؟
بو خليفه : عندي فيلا استثمر فيها في ياس بسجلها له ، والفلوس الي من وراها بتدخل في حسابه على طول ، بس طرش لي رقم حسابه واسمه الكامل في الواتس اب
راشد : ان شاءالله ، وعساك ذخر
بو خليفه : دامي حي اطلبوا الي تبونه ماغير تم وحاضر معليكم من ابهاتكم وهم يقولون اعتمدوا على نفسكم
روضه : انت جي بتخربهم ، صدقهم لازم نعتمد على عمارنا
بو خليفه : هيه نفس زيود نص الشهر ماعنده فلوس حق بترول
راشد : لا هذاك حاله خاصه
بو خليفه : عندك شي العصر ؟
راشد : لا آمرني
بو خليفه : بنروح صوب سالم فالمستشفى مسوي عمليه
راشد : شو عمليته ؟
بو خليفه : منفتق بطنه و سرحوه المستشفى اليوم الفير
راشد : هيه وانا اقول ليش ماصلى معانا الفجر فالمسيد ، يدي هب مقيل عيل ؟
بو خليفه : لا انا مريوغ
راشد : كيف ؟
بو خليفه : يدتك مادري شو حال عليها
راشد : غرفتك موجوده الي تحت فبيتنا محد فيها
بو خليفه : يعني هب رايغينيه ؟
راشد : لا حشى ، نحن طالعين وانت الي داخل
يتبع ،،،
بارت 15 : معك . . العُمر احلى
Start from the beginning