ام سلمان : نحن صرنا الشر
ام هزاع : لا حشى انا ما قصدت جي
سلمان : عيل شو القصد
راشد : توكل ياريال ولا بتشوف شي ما بيعيبك
سلمان : زين زين تهدد بعد؟
***
طلعت ام خليفه تشوف شو صاير برا ، ويوم شافتها ام سلمان استحت وسحبت ولدها ، اركبوا سيارتهم وراحوا ، اما ام سعيد استانست على روضه وراشد و نادتهم ، اقعدوا راشد و روضه وكانوا زايد و احمد وشيخه قاعدين في الصاله عند يدتهم ؛
ام سعيد : شو صاير ؟
( قالت لها روضه الموضوع كله )
***
طلع راشد من بيت يدته ورد بيتهم لقى امه تترياه في الصاله تبا ترمسه عن العرس قال لها سوي الي تبينه وطلع غرفته حست امه انه استسلم ودقت على اختها عشان تخطب بنتها حق راشد ، دخلت شمسه غرفة راشد وقعدت تترياه لين مايطلع من الحمام ، ** في بيت بو هزاع ** دخل بو هزاع على روضه الغرفه يرمسها عن الي صار اليوم ونهارت من الصياح لان اول مره حد يقول لها مثل هذا الكلام ، قعد يهديها ووعدها انه يسكر على الموضوع ومابيصير إلا الي هي تباه طلع ابوها وقعدت هي تفكر في راشد كانت تقول في نفسها ( راشد يحبني ؟ هل ممكن انه يتقدم لي ؟ ولا ابداً مايفكر فيني ؟ نزين انا احبه بس كيف اصارحه واقوله اني اباه وما ابا غيره ؟ ) كانت الافكار تروح وتيي ** في بيت بو راشد ** طلع راشد من الحمام وشاف شمسه قدامه قعد عدالها على الشبريه ؛
راشد : في شي مهم ؟
شمسه : لا بس اسمع اميه دقت على خالتيه تخطب لك سلمى
راشد : خلها تسوي الي تباه
شمسه : وروضه ؟
راشد : روضه شفيها ؟
شمسه : ماتباها؟
راشد : والله اباها لكن هي ماتباني
شمسه : واللي صار اليوم
راشد : ردة فعل للي قاله لها سلمان فقط ولا مش من حبها لي ، هذا اذا هي اصلاً تحبني
شمسه : حرام عليك انت شدراك بالي في خاطرها؟
راشد : لانها يوم حضنتني ماحسيت انها تحبني كان احساسي انها تبا تهدا بس
شمسه : وممكن احساسك يكون غلط
راشد قام وفتح لشمسه الباب : تصبحين على خير
شمسه : مابطلع
راشد : ورانا صلاة العيد ، خليني ارتاح شوي
شمسه : زين ، بس ماردك بترمس
***
طلعت شمسه من غرفة راشد ودقت على ابوها عشان يرد البيت تبا ترمسه في موضوع ضروري ، فخاف ابوها ورجع البيت على طول راح لغرفتها ودق الباب ؛
بو راشد : خير شمسه ، شو صاير ؟
شمسه : مايصير ماماه تخطب حق رشود هلى كيفها بدون ماتشاور
بو راشد : شوي شوي فهميني الموضوع انا هب فاهم شي
شمسه : رشود مايفكر في العرس ، مايبا يعرس افهموا
بو راشد : نزين ، منو ياب طاري العرس ؟
شمسه : ماماه دخت ع خالو وخطبت له بنتها سلمى
بو راشد : متى صار هذا
شمسه : من شوي
بو راشد : و راشد شو رايه ؟
شمسه : يقول خلها تسوي الي تباه ، و هو يبا روضه بنت عميه
بو راشد : و روضه تباه ؟
شمسه ؛ اكيد تباه
بو راشد : هي قالت لج ؟
شمسه : لا ، بس احساسي جي يقول
بو راشد : زين دقي عليها الحين وحطي سبيكر ابا اسمع
شمسه ؛ ضنك ؟
بو راشد : هيه يلا
دقت شمسه على روضه و على طول من اول رنه ردت ؛
شمسه : هلا رووض
روضه : اهلين شميس ، ليش داقه الحين
شمسه : مشغوله ؟ ابا اسألج
روضه : لا ، اسألي
شمسه : تحبين راشد اخويه
روضه : تعرفين الجواب
شمسه : هيه او لا ؟
روضه : هيه احبه ، شي ثاني
شمسه : لا تصبحين على خير
( سكرت التلفون )
شمسه : ها ابويه شفت ؟
بو راشد : خلاص خلي الموضوع عليه
شمسه : اتفاهم مع اميه
بو راشد : بنتفاهم بنتفاهم ان شاء الله
شمسه : لازم يخلص الموضوع بأسرع وقت
بو راشد : ان شاء الله ، شي أوامر ثانيه بابا ؟
شمسه : هيه بليز رمس حد اييب لنا طاولات العزام ويحطهن هناك في حديقة المسبح
بو راشد : ليش ، عندكم عزيمه ؟
شمسه : هيه لمة بنات ، من زمان ما لتمينا ، كل وحده عازمه ربيعاتها الكلوز
بو راشد : هيه ، عيل زين زين والله فكره حلوه
شمسه : في شو تفكر ؟
بو راشد : اذا احتجت مساعده بقول لج
شمسه : يارب اللي طرا في بالي
بو راشد ( يغمز لها ) : ليش لا ، المفاجأة حلوه ، المهم الحين تصبحين على خير
شمسه : وانت من اهله
بارت 11 : لو قلت لك مابيك قولي احبك
Start from the beginning
