اني تمنيت السعادة دائما ... لقلب كان لي سابقا حلما
ليس لاني ادعي مثالية .... بل لانه يوما كان لي نجما
فيا نجما يوما انرت دربي .. فلتكن شيماؤك لك نغما
اعزف ع اوتاره و تغنى ... به وليكن حبك لها لحنا
القلب كان لك عاشقا متيما..واليوم صار لغيرك اسما
يا قارئي كلماتي فالتعرفوا.. الحي لغير الحلال وهما
(كلماتي )
زوبا ضحكت : هههههه الحمدلله هذا وين ارتحت يعني متاكدة ان يبيها و يحبها
علياء مستغربة يعني عرفت منها سابقا ميولها لونيس لكن ما توقعت انها تكون بالسعادة هادي وقت تسمع بخير ارتباطه بغيرها : جديات انت مش مدورة
زوبا : مش قصة اني مش مهتمة لا انا فرحانة و هلبة يا علياء انا هذا اللي تمنيته من يوم عرفت اللي صار معاه وانا حريصة وندعيله بالسعادة و اصريت نقول للكل ان الهاشمي يستاهل و لتوا نقولها الهاشمي يستاهل يعيش بسعادة و فرح الهاشمي يستاهل يعيش متهني الهاشمي يستاهل يلقى نصه وزي ما فهمت منك عنها انها نصه و مكملة ليه في كل شي
علياء : هكي قال جهاد ع حسب ما سمع من ولد عم سليمة لانها وقت شاركت في الحرب معاهم كانت طول الوقت مع الهاشمي
زوبا تغير صوتها للحزن : رحمة الله عليها حنينة فنارة سبحان الله كيف كانت فاهمة طبعه و شخصيته و فاهمتني حتى انا يا علياء قالتلي الهاشمي ما يبي وحدة زيك تسلمله طول لان وقتها ح يتجبر عليها زي مادار جدو مع حنينة الله يرحمها قالتلي يبي وحدة قوية ما تنزل راسها ما يبي وحدة ميتة فيه و تدير كل شيء غير بس هو يرضى وقتها كنت مصرة اني نبيه و نحبه وان كل شي ح يتغير مع الوقت توا وقت حكيتي ع شخصية الشيماء هادي عرفت ان هي اللي تناسبه و هذا اللي خلى الهاشمي يفكر فيها وانا متاكدة انها عاجباته مش بس ع شان وضعها و ع شان اللي صاير معاها ممكن وضعها خلاه يستعجل لا اكثر
علياء : ممكن... توا اهم شي ريحتيني انك مش زعلانة
زوبا : ابدا و علاش بنزعل انا كنت مقررة نقعد بعيدة عنهم ع شان ما نجرح اي حد منهم و في نفس الوقت متضايقة من موضوع صغار عمي و مسؤوليتهم مش قادرة نتنصل منها بعد طلب مني الهاشمي نتشاركوا في تربيتهم مع ان اخر مكالمة بيناتنا حسيت ان معش يبي يكمل معاي و ان حس بمشاعري اتجاه ونيس .. توا ربي ينوضهاله بالسلامة هذا كل ما نتمنى و ربي ما يوجع قلبه عليها
علياء : اللهم امين ...نصيب سبحان الله من كان يقول يعني مرات نتذكر عرس مصعب الاول وقت جيناكم و شفناك كيف كنتي طايرة باوس ما في حد فينا توقع اللي ح يصير بعدها
زوبا : عليك ذكرى سوداء جبتيها فكينا من سيرته مع اني خاطري نعرف شني دار فيه راجلك
علياء : اي تبيه يوريني تو انا يروح نساله ع شان تسمعي بيه مقطعني
YOU ARE READING
حجر صوان
Romanceرواية # اجتماعية وطنية و رومانسية و فيها دراما تحكي ع قصة بدايتها في فترة الأحداث فيها اقتباسات هلبة من الواقع ع فكرة و حتى بعض القصص للاسف صارت في ليبيا
