فتح الباب ....
يالله ع السنين كيف فاتت بسرعة
مازال يتفكر في اول يوم ليها في المدرسة كيف فتح الباب و القاها حاصلة في حزام الزي متاعها مش قادرة تربطه و تتعارك معاه و جاها هو ساعدها كيف رافقها للداخل رغم ان هي قرت في مدرسة دولية و ممنوع ان يخش معاها حد بس سكر راسه و قال مش حً نسيبها رغم ان بوه وقتها طلب منه يخليها تخش بروحها لما وصلهم كان يبيها تعتمد ع نفسها من اول يوم بس هو ابدا ما تعود يسيبها
في ايام فرحتها كان اول من يحضنها و في ايام كسرتها كان اول من يتلقاها قبل اتطيح ممكن المرة الوحيدة اللي كان فيها بعيد عليها يوم اللي صار معاها موقف اهلها و سفرهم بدونها و رغم سفره وقتها لكن حس بالذنب و التقصير
حاليا الشيء الوحيد اللي مطمن قلبه ان ح يسلمها لشخص يستاهلها و قادر يحميها و يدافع عنها في اي موقف شخص عاطيها الاولوية في حياته قبل كل شيء و قدم اكثر من مثال صريح لهالشيء
و لو شفنا من جهتها هي حاليا شايفة فيه عيلتها لان هكي كان لفترة طويلة حتى قبل سفرها لمصر كان الوحيد اللي تتواصل معاه و الاخ و السند الحقيقي نعرفوه ع حقيقته وقت نغلطوا راهو و كم من غلطة غلطتها و كان واقف جنبها يعاتبها و في نفس الوقت يوريها الصح لو سالوها هو من ح يكون ردها:
ما نقدر نجاوب و نوصفك يا خوي
يا ضي عيني انت يا عيلتي يا بوي
ما نلقى بدايل ليك
ولافي حد يساويك
بكنوزالعالم نشريك
و لو تنجرح
بدم قلبي نفديك
و بنبض روحي نداويك
وفي كل صلاة ندعي
الله يحفظك و يحميك
يا ضي عيني انت يا عيلتي يا بوي
ما نقدر نجاوب و نوصفك يا خوي
(كلماتي )
قدم منها خطوة خطوة و كل خطوة تحكي لحظة ... لحظة فرح عاشوها لحظة حزن مع بعض تجاوزوها لحظة ضحك في يوم تشاركوها... و كل اللحظات كوم و تقعد لحظة اللقاء بعد فراق دام شهور طويلة اللي كان في ربوع بنغازي و بسعي من انسان نهاية سعيه وصلاته ليها و متمني الظفر الاكبر بقلبها يوما ما
وقف قدامها و عيونه تتلألأ بالدموع .. دموع فرح اكيد بس وقت توصل فرحتنا لحدود السماء لعند تتلاقى مع غيمات الدموع معناها فرحانلك لكن صعب عليا نفارقك .. صعب عليا نكمل يومي من غيرك صعب عليا نحمل مسؤوليتك لغيري بدون مقدمات قدم منها حط ايده ع راسها و باسها بوسة تختصر كل المشاعر هادي : ربي يهنيك و يفرحك ربي يحميك يا وخيتي و مش معنى انك تتزوجي اني خلاص دوري كمل في حياتك ديما وراك ح نكون نحميك و ندافع عنك كل ما تحتاجيني
زوبا شدت ايده و باستها : ربي يحفظك و يفرحني بيك و عمري ما ننسى اللي درته ع شاني و تفكر ان حتى انا مستعدة نموت و انت ما تتاذى منك شعرة
VOUS LISEZ
حجر صوان
Roman d'amourرواية # اجتماعية وطنية و رومانسية و فيها دراما تحكي ع قصة بدايتها في فترة الأحداث فيها اقتباسات هلبة من الواقع ع فكرة و حتى بعض القصص للاسف صارت في ليبيا
