علياء اللي كانت نازلة هي و مسرة يهدرزوا زي ما طلبت منهم احلام سمعوا كلامهم وجعهم لين خلاص و رجعوا للدار اللي كانوا فيها
مسرة بغيض : خزيه كلبات هما الاثنين ما حاسبات في ارواحهم سحيقة لا وبالذات اسماء اللي زعميتها بنت خالتي
علياء مسحت دموعها : معش تدعي حرام و بعدين هي ما تعرفناش معذورة لكن بالنسبة لمرة عمي عندك حق هي اللي وجعتني منها
مسرة : لا ياااااا و الله احرف من بعض اففف حسني تنكدت يا ريت روحنا و خلاص
علياء : يا ريت حتى انا شن نبي في التدهوير بس
تحت
رِن تيليفون زوبا برسالة فتحتها
من اوس ( حبيبتي تعالي برا نبي نهدرز عليك شويا )
زوبا ارتبكت لان قبل مصعب هو اللي مانعها من الهدرزة معاه و حاليا مش موجود خممت شوي و قررت تطلع : اسمعي انا منطلع برا شويا حسني متضايقة و قلبي غام عليا مش مصدقة ان مصعب خلاص تزوج
اسماء غمزتلها و ضحكت: هههههه سلميلي عليه
زوبا ارتبكت اكثر : مني ؟!
اسماء : مصعب
زوبا تلون وجهها بالأحمر و هربت من قدامها بسرعة
هي طلعت و جو احلام و ليلى : السلام عليكم
اسماء شافت لليلى ع جنب و لوت فمها:: و عليكم السلام
احلام : تي خيرك مازال في عبايتك اركبي غيري حوايجك و ارتاحي خليفة بايت راهو
اسماء باصرار : لا توا نكلمه يوصلني لأختي و بعدين بيبات ع كيفه
احلام مش عاجبها كلامها : تي الساعة قريب اثنين راهو وين يوصلك توا حتى حوش اختك اكيد رقدوا ارتاحي الليلة و خلي الراجل يهدرز مع اماليه ليه وين ما شافهم
اسماء وقفت معصبة : و الله مش مني ليه وين عليهم و انت عارفة من هوا السبب
و ركبت اطنفر و تتصل و تعاود بخليفة
ليلى تنهدت : ربي يهديها هذا حالها حتى لما تجينا غادي
احلام دارت حركة بايدها متاع فوتي : خليني منها بالله و احكيلي امتى ناوية تديري عرس الهاشمي و مسرة
ليلى : انت عارفة انا ما عندي شي الكلام ليه و لباتك
احلام تنهدت بحزن : مستاحشاته هلبة و هو ابدا ما عبرني و لا طلب يشوفني
ليلى طبطبت ع ايدها : ربي يهديه عمي وانت ادرى مني بطبعه
احلام ابتسمت مجاملة و سكتت تفكر
نمشوا برا
تحت الشجر متاع الزينة اللي جنب الحوش
YOU ARE READING
حجر صوان
Romanceرواية # اجتماعية وطنية و رومانسية و فيها دراما تحكي ع قصة بدايتها في فترة الأحداث فيها اقتباسات هلبة من الواقع ع فكرة و حتى بعض القصص للاسف صارت في ليبيا
