اصعب حاجة وقت يكون خلافك و مشكلتك مع شخص هو لك قدوة ..
كيف ممكن تلومه ؟ كيف ممكن تحاسبه ؟! هي ابدا مش جاهزة لمواجهة من هالنوع
كانت في دارها اللي مجهزهالها مصعب مقعمزة و حاطة ايديها الاثنين ع خدودها و تفكر كيف تتصرف معاه تحاول تكون هادية قدر الامكان تحاول تلقاله اي عذر ع شان ما تغلط فيه
طق الباب غمضت عيونها و قلبها كان حيوقف بين توتر و خوف و اتخاذ قرار
انفتح و كان مصعب تنهدت براحة وقت شافاته و يا دوب شافتله بطريقة و كأنها تقوله ... علاش ؟!
مصعب ابتسم و خش و قعمزجنبها : يستنى فيك راهو و وجعاته منك هلبة انك ما تكلمتي معاه حس انك مش مستاحشة تشوفيه بكل
زوبا عيونها دموع و رجلها ع وضع الهزاز : علاش ما قلتلي
مصعب: خفتك ترفضي تجي معاي
زوبا نزلت راسها : اكيد كنت ح نرفض مصعب انا مش مستعدة توا نتواجه معاه و خايفة نغلط معاه بالكلام و نزيد الطين بلة
مصعب : تفكريله اي موقف كويس داره معانا يا زوبا و اطلعي واجهيه و عاتبيه عادي انا وصلت اني غلطت فيه بالكلام ع شانك و قاطعته بس مهما كان يقعد بوي تعب عليا و يا ما ضحى ع شاني و لولا الدور اللي لعبه في حياتي ما كنت وصلت للي انا فيه اليوم
زوبا اقتنعت بكلامه و وقفت : ماشي بس خلي في بالك اني مش حنطلع من مصر
مصعب تنهذ لان عارف بوه ع اي موضوع بيكلمها: يصير خير غير هيا توا بس اطلعيله وضعه خليته صعب هلبة
زوبا : ماشي
مصعب : انا عندي مكالمة نسيتها ضروري نديرها لليبيا وعدت الراجل انطمنه اول ما نوصل و نسيته
زوبا : مني؟
مصعب : ونيس
زوبا تفكرت تصرفاته معاها و تلخبطت و هي مش عارفة السبب شني
مشت للصالون وين ما كان موسى مقعمز داير رجل ع رجل و ايده ع خده و يفكر
بدون مقدمات قعمزت مقابله و راسها تحت
موسى وجه نظراته لمدخل الصالون كان مصعب واقف
مصعب اشرله و ابتسم
و موسى غمض عيونه
مشي مصعب
اتصل بونيس
اللي كان يسوق في السيارة و ماشي للحوش اول ما شاف رقم مصعب قلبه قريب طار منه فتح الخط : ايوا
مصعب : اهلين ونيس بالله سامحني غير لهيت في كم موضوع و نسيت التيليفون مقفل
ونيس تنهد براحة: لا الامور تمام ما تدور بكل مغير انشغلت واجد عليكم خاصة بعد الموقف الشين اللي صار معاكم في المطار امسحها في وجي يارا نا ضمنتلكم الوضع و قبل ودرتكم
YOU ARE READING
حجر صوان
Romanceرواية # اجتماعية وطنية و رومانسية و فيها دراما تحكي ع قصة بدايتها في فترة الأحداث فيها اقتباسات هلبة من الواقع ع فكرة و حتى بعض القصص للاسف صارت في ليبيا
