ذات الصباح كان جميل و رايق ع معتز و علياء
اللي فاقت قبله جهزتله فطوره و مشت للدار كان مستغرق في النوم ابتسمت ع منظره كيف غارق في نومه خذت ورقة و كتبتله فيها
(حبيبي انا نازلة لحوش العيلة نعاونهم فطورك ع الطاولة في المطبخ نشوفك )
حطتها جنبه بعثتله بوسة و نزلت لحوش العيلة
بينما العروسة اللي جنبها فاقت شافت جنبها ما لقتش ونيس عدلت جسمها بحيث قعمزت تقعميز مشت ايدها ع شعرها تاملت دار نومها لحظات و تنهدت ناضت و مشت للحمام دوشت و غيرت في الحمام طلعت لابسة قفطان طويل لونه وردي فاتح كم طويل و فيه شدة من جهة الرسغ و مشطت شعرها بدون تجفيف بخت برفانها و طلعت تدور في ونيس
لعند القاته في المطبخ
واقف يجهز في الفطور كان انيق في حركته يجهز في كل شي بدون ما يدير حوسة في المكان
يسخن في البريوش و حط العسل و القشطة في صواني و الزيتون في صونية و حط الجبنة و سخن التوست
جاب القهوة حطها و حط الحليب اخر شي حط فواكه يقص فيهم شرايح في الوقت هذا هي جت
ونيس يدندن
اذا مر يوم و لم اتذكر به ان اقول صباحك سكر
كانت تتفرج عليه و مبتسمة
حس بوجودها من برفانها المميز عنده حط الموس و جاب في ايده حبة فراولة 🍓 و قدملها يغني
صباحك سكر و حطها في فمها
بدت تاكل فيها و تضحك : هههههه صباحك ورد
ونيس : تعالي قعمزي هنا لعند نحطلك الفطور
زوبا : حاضر مع اني كنت فايقة و ناوية انا نديرلك الفطور بس سبقتني
هو استغرب لان عارف موهبتها المعدومة في امور المطبخ : مرة ثانية اليوم دوري نسعدك و نكون زوج رومانسي و محب
زوبا مشت قعمزت ع الكرسي : انت ديما هكي
ونيس بتهديد : ما تفرحيش واجد لان عندي اوقات نعصب فيهن اعوذ بالله من وجي
زوبا ابتسمت : انت و العصبية خطان متوازيان اعتقد
ونيس : الله لا يوريكي عصبيتي
و بدو يفطروا مع بعض و مرة مرة يهدرزوا
عند مصطفى و علياء من اول ما فتحت عيونها القت صغارها نايضين جهزت ملابسهم و بدلوا و غيرت حتى هي و ناض من بعدها مصطفى غير و مشو مع بعض لحوش العيلة هو لجمعة و عبدالقادر و جهاد و هي و صغارها خشت هي وياهم للحوش و القت فاطمة تعارك
سليمة معاهم في المطبخ و عاجبتها شخصية فاطمة و كيف دايرة جو
خلاصة الكلام التمت العيلة مع بعض ع فطور و ما احلاها من لمة الهدرزة تحلى فيها و تتمنى الصفرة تقعد و ما يقيمها اي حد ع شان تستمر الاجواء هادي لاطول فترة ممكنة ....
YOU ARE READING
حجر صوان
Romanceرواية # اجتماعية وطنية و رومانسية و فيها دراما تحكي ع قصة بدايتها في فترة الأحداث فيها اقتباسات هلبة من الواقع ع فكرة و حتى بعض القصص للاسف صارت في ليبيا
