الهاشمي
قدم بخطواته في اتجاه الصالة
زوبا اول ما حسّت بحد يمشي رجعت و لبدت وراء الحيط و جبدت معاها نجلاء و هي قلبها بيطلع حساته من الخوف مش عارفة من ممكن يكون الشخص اللي سمعهم
الهاشمي
مشي كم خطوة شاف واحد جاي في اتجاهه
: السلام عليكم
الهاشمي : و عليكم السلام اووووو خليفة تي وينك يا راجل فايتنا بالطويل
خليفة : باهي تحشم و قول عمي حتى بالكذب
حضنوا بعض
الهاشمي : يا ودي ما يجو كم سنة اللي بيني و بينك راهو كيف حالك
خليفة يطبطب ع ظهره : ان شاء الله سنة بيناتنا المهم انا اكبر منك و تحترمني
الهاشمي ضحك : ههههه يا ودي حتى كان اصغر مني قدرك محفوظ عندي
خليفة : عارف عارف هيا وانت طولت
الهاشمي شاف جهة البنات ع جنب : يا ودي انظف في حوايجي اشبح بشني تلبزوا
خليفة يتفقد فيه بانتباه : ما فيك شي ماشاء الله زي العادة انيق
الهاشمي يا دوب بانت ابتسامته : لا توا نظفتهم حوايجي لكن لاني من ال ##### ما نتوسخش نرجع لأصلي و انتم ردوا بالكم هنا النجاسة ولت في كل مكان
خليفة مستغرب كلامه : شن تقصد؟ و بعدين خلاص حاسبني من عرب طرابلس زي جدك و يا سيدي حتى لو كان رد بالك تغلط فيها هده العاصمة و عروس البحر ام السرايا
الهاشمي : دام انك عايش فيها معناها منهم و بعدين من قالك العيب فيها هي العيب في اللي قاعدين فيها و يشوهوا فيها
خليفة حاوط كتفه بذراعه : توا مش وقته هذا هيا خلي نمشوا جنب السلطان خليته حايس
الهاشمي : و من اليوم هذا بيقعد طول عمره حايس
خليفة ضحك : هههههههه رباية جدك
زوبا عصبت من كلامه و حسّت ان سمع كلامهم و يلقح
نجلاء تمروح : ووووه عليا منكم تي حتى خالك يجلط خسارته فيها العفريتة اسماء
زوبا مش معاها بكل
نجلاء شدت زوبا من ايدها: هوووووي وين رحتي؟
زوبا انخلعت : خلعتيني قاعدة وين يعني هيا نخشوا احسن ما يشوفنا حد
و بالفعل دخلوا للحوش
في صالة الرجالة
كان موسى بيطير من فرحته بمصعب اولا و بجية نساباته ثانيا لان يفكر في مرته و كيف ممكن تتاثر لو ما جي منهم حد الموضوع هذا كان شاغل باله
أنت تقرأ
حجر صوان
Romanceرواية # اجتماعية وطنية و رومانسية و فيها دراما تحكي ع قصة بدايتها في فترة الأحداث فيها اقتباسات هلبة من الواقع ع فكرة و حتى بعض القصص للاسف صارت في ليبيا
