اسماء : و حياتك يا باشا الا ما نقلب عليهم البلاد وانا اسمي اسماء بس راهو انا واخذة كل قوتي منك انت يعني انت في ظهري و لو صار اي شي تضمنلي نطلع بصغاري من غادي
المنجي بثقة : انت خشيتي راسي يا سوما خلاص و ما نبدا المنجي كان ما سكرت عليك باب داري و صغارك صغاري شني تبي اكثر من هكي مازال عندك شك
اسماء ع اساس متفاجاة : حييي فاجيتني يا باشا و الله ماني مصدقة اوووف بس انت متزوج و انا الحق مش حابة يكون عندي شريك في حاجة انحبها
المنجي : 🔥🔥🔥 يا مراة راعي وضعي راني راجل متزوج بالاسم بس و محروم من الدلع و الكلام الحلو هذا
اسماء : و حياتك طالما اعترفت اني خشيت راسك معناها غير يجمعنا حوش واحد اندلعك لعند انت تقول سادني يا باشا
المنجي بلع ريقه و تنحنح : احم خلاص معناها توا امشي شوفيهم شني ييو و لو كان يبوك تمشي معاهم بري و نفذي اللي اتفقنا عليه و خلينا ع تواصل و وقت تنتهي المهمة متاعك نبعثلك من يجيبك من غادي انت والصغار
اسماء بدلع: حاضر يا باشا عن اذنك توا باي
المنجي دايب : باي
طوط
طوط
اسماء شافت لروحها في المرايا جت عينها ع صورة خليفة عيونها اجتاحوهم الدموع مسحتهم بقوة : سامحني يا خليفة الدنيا هكي تبي وانت سيبتني وسط اهلك بينهشوا لحمي و ياكلوا رزقي لو مادرت اللي في بالي
(ان لم تستحي افعل ما شئت ! و كأنها ناسية او متناسية من كان السبب وراء مقتل زوجها و اب اولادها )
لبست وشاحها و كانت لابسة بلوزة للركبة لونها سمائي و سروال بيج و بخت برفانها و طلعت للمربوعة
طقت ع الباب و دخلت : السلام عليكم
الجد و لا تقبلها في حياته و لا قادر يتقبلها حاليا اكثر و كل شيء فيها مستفز شافلها نظرة هزت اركانها الواثقة بكلام المنجي
و الهاشمي نظرته من يومها تستفز فيها لان فيها احتقار واضح ليها
اما جمعة استهجن اللبسة و المنظر اللي طلعتلهم فيه و واضح جدا انها رمت ثوب الحزن
و سالمين تفنص فيها و تعض في فمها بتهديد و وعيد ع لبستها
لكن هي شجعت نفسها بكلام جايكم يوم و ناركم تاكل حطبكم و انا اللي ح انولعها بايدي و نمشي : انستوني
و هالكلمة كانت مقصودة معناها هذا حوشي
الجد ابتسم بتهكم و شاف للي جايين معاه و كأنهم يأكدوا ع بعض ان فهموا رسالتها بوضوح
الهاشمي : احني جايين لشيء واحد بس مش ع شان تفضلينا في حوش عمي و صغاره 👊👊
الجد شاف لحفيده بفخر و جمعة معاه ع الخط
YOU ARE READING
حجر صوان
Romanceرواية # اجتماعية وطنية و رومانسية و فيها دراما تحكي ع قصة بدايتها في فترة الأحداث فيها اقتباسات هلبة من الواقع ع فكرة و حتى بعض القصص للاسف صارت في ليبيا
