زوبا فنصت عيونها و مش مصدقة : اكيد تكذبي مستحيل وين كان و علاش رجع توا بالذات. !
علياء بحزن : مش عارفين شي اول ما حصلنا فرصة هربنا لشقتي بيش نقولولك
سهام : في شنو تفكري؟
زوبا تذكرت سفرها : توا مشغولة بمشية دبي غدوا رحلتي نتم موضوع المسابقة و نقوللكم بس طمنيني شني حسيتي وضعه مرتاح ضاعف شني وضعه بالضبط ؟
سهام ابتسمت : عادي بس واضح حزين
زوبا تنهدت : ياااااارب المهم وضعه مع العيلة شني صدقيني انا درت كل شيء ع شانه هو
علياء : احسن تحسيه مازال شاد شويا مع الكل ما عدا جداي اكثر وحدة يهدرز معاها
زوبا ابتسمت : اكيد حنينة فاطمة ما كانت موجودة وقت صارت القصة .. ان شاء الله خير
سهام : ان شاء الله ... اي احكيلنا شنو صار في الحفلة متاعك ؟!
زوبا بدت تسرد في تفاصيل اللي صار معاها و احتفال خوها بيها و بمرته و بنجاحهم وهما كانوا في الانصات
تحت
فاطمة : يعني الوقت هذا كله كنت في مصر
ونيس بصوت هادي : اها المكان الوحيد اللي حسيت فيه بالراحة و نفس الوقت قريب ع بنغازي لاني ما قدرت نبعد عنها اكثر من هكي
فاطمة فنصت في عبدالقادر و رجعت شبحتله : و احني ما خلينا وين دورنا عليك وانت قاعد قريب سبحانك
ونيس خذي ايدها و باسها : نا ما نبي كان رضاكم
فاطمة بدت تصفق : وانتم كيف صبي العين
رجعت بيه لليوم اللي شافها فيه ترقص مع جدته ع اغنية سمير الكردي و خذت الباقي من عقله نارها ابدا لم و لن تبرد : نا مش حاب انكد عليكم لان جيتي كلها كانت ع شان انسلم عليكم و نمشي و بالنسبة للمصنع بكرا الموضوع ينحل عن طريق فوزي هو اللي ح يتصرف ما تشيل هم يا باتي و ما عاش من يضحك عليك و نا عايش
جمعية ايدها ع قلبها : وين بتعدي يا ونيس وين؟!
معتز : كيف يعني تفرحنا بردتك و تعدي ع طول ؟!
مصطفى : لو ع الموضوع هضكي نحنا ع استعداد نمشولها ز،...
ونيس بحدة و صوت عالي : الموضوع هضا نا سكرته خلاص و طلبت منكم بشكل واضح ما حد يفتحه معايا خلوني نكمل كلامي
مصطفى طارتله من طريقة كلامه معاه لان واضح مازال مش صافي معاه سكت و كان ح يوقف و يمشي بس معتز شده من ايده ع شان يقعد
ونيس تجاهل غضب عمه : نا ماشي لسرت
الكل : 😱😱😱
في مكان ثاني في البلاد
كانوا الكل مجتمعين ع الغذاء و يهدرزوا مع بعض
الهاشمي بعد تردد حسم امره : يا ريت تسمعوني كويس و تعرفوا انكم اكيد غاليين عندي و هلبة لكن المرة هذه قررت و قراري نهائي
YOU ARE READING
حجر صوان
Romanceرواية # اجتماعية وطنية و رومانسية و فيها دراما تحكي ع قصة بدايتها في فترة الأحداث فيها اقتباسات هلبة من الواقع ع فكرة و حتى بعض القصص للاسف صارت في ليبيا
