الهاشمي كان في دوامة كبيرة في نظره دار الصح لان بهكي يقدر يحميها لكن مش ح يعترف و يقول ان هذا مقصده من الحركة اللي دارها لان صورته في نظر الكل تهمه و صورته يعني مبادءه و يعني شخصيته و قوته و هيبته كله اهم من مشاعره و اهم منها هي نفسها و مع هذا لا يمكن يسمح انها تكون لغيره او تسافر لبلاد ثانية لانه وقت جابها من حوش اهلها خلاص انكتبت باسمه و حفرت قبرها في قلبه .. الشيء اللي شافه و سمعه اليوم في البرنامج كان فوق طاقته و فجر كل عقده في مرة و رسم قدامه كل التحديات اللي ح يواجهها معاها و هذا سبب ردة فعله و قراره
ما حط في باله و لو احتمال واحد انها تكون سمعاته يعني يقولولها ع الزواج و خلاص و اصلا ما عندها خيار الا توافق لان ما عندها غير حوش خالها تمشيله
جمعة كان تايه بس قرر يحط الكورة في ملعبها يا توافق يا ترفض و ح يدعمها في كل الحالات
اما ليلى فالدنيا كلها مش سايعة فرحتها و تستنى في اول فرصة تهدرز فيها مع زوبا ع شان تقنعها تواقق ع ولدها و تكسبها كنة و بنت
علياء كانت حالتها غير حست بخيبة امل كبيرة بسبب كلام الهاشمي وهي اللي متعودة منه ع الدلال و بس و صايرلها رهبة من موضوع ولد خالها وكيف ممكن يكون شكله و طبعه و هل يبيها لشخصها او لسبب ثاني
بالنسبة لزوبا كانت تجاهد في عقلها ع شان يسكت و معش يردد كلماته المستفزة و الجارحة في دماغها
تصوروا وحدة طول عمرها عايشة دلع و دلال اكبر قراراتها شن تلبس و وين تدهور اليوم صارت تواجه دولة كاملة باعلامها و مواقعها ع النت
كيف ح تواجه و تحارب وهي خاوية اليدين وحيدة !!
معتز طفى التليفيزيون معصب و ركب لداره مر بدار جدته القاها راقدة رد الباب و كمل طريقه لداره شاف دار ونيس ضيها والع طق ع الباب
ونيس ابتسم و سكر التيليفون ع صورة زوبا : تعال
فتح معتز الباب و جي قعمز ع الكرسي جنبه : نحسابك رقدت
ونيس تنهد و رجع براسه ع خلفية السرير و غمض عيونه : وين مازال بنرقد نا يا را خيك راح فيها عدا
معتز قرن حواجبه مستغرب : كنك
ونيس عدل قعدته : ما في شي مغير نبيك في كم كلمة و ياريت تجاوبني من غير ما تسال الله يربحك لاني نا بروحي مو فاهم حاجة
معتز شبك ايديه : و نا نسمع
ونيس بلع ريقه و مازال متوتر : نا نريد نسالك يعني هي هضي البنت اللي قلتلي ندبرلها في جواز سفر
معتز ملاخظ حالة خوه و مستغربها : اها
ونيس نفخ و مازال يمسح ع صدره: يعني لو درته الها ح تسافر؟
معتز مازال مستغرب حالته : اها تي كنك يارا تتكلم بالقطارة و بعدين ليش كل الاسئلة هضي ارجى ما تقولش انك هونت ع شان الكلام الفاضي اللي انقال من ال####
YOU ARE READING
حجر صوان
Romanceرواية # اجتماعية وطنية و رومانسية و فيها دراما تحكي ع قصة بدايتها في فترة الأحداث فيها اقتباسات هلبة من الواقع ع فكرة و حتى بعض القصص للاسف صارت في ليبيا
