unicode
အခန်း ၁၀၃
“အနံ့..”
ချင်းရန်နတ်မင်းက ထိုစကားကို တအံ့တသြ ရေရွတ်လာသည်။ ပြီးနောက် မေးခွန်းများ ဆက်တိုက်ထွက်ကျလာ၏။
“မင်း.. ဘယ်လို အနံ့ရတာလဲ။ မင်းက မြေခွေးမှ မဟုတ်တာ၊ နဂါးမဟုတ်ရင်တောင်မှ မင်းက မူလသဏ္ဌာန်ကနေလို့ ရနိုင်တဲ့ စွမ်းအားတွေကို မင်းမှာ မရှိနိုင်ဘူးလေ၊ မင်း ဘယ်လိုတောင်မှ အနံ့ရတာလဲ”
“ကျွန်တော် အရင်က မြေခွေးဖြစ်ဖူးလို့ ထင်တယ်၊ သူ့အနံ့က ကျွန်တော့်စိတ်ထဲမှာ စွဲနေတယ်၊ သူ ဒီနားမှာပဲ ဖြစ်နိုင်တယ်”
ဟူအာ ဂူအတွင်းပိုင်းသို့ တိုးဝင်လိုက်သည်။ ချင်းရန်နတ်မင်းက အနောက်မှ မီးတုတ်ကိုင်ပြီး ပြေးလိုက်လာ၏။ တစ်နေရာသို့ အရောက်တွင် ဟူအာ ခြေလှမ်းများ ရပ်တန့်သွားတော့၏။
ဂူ၏အတွင်းပိုင်း ချောမွေ့နေသည့် ကြမ်းခင်းပေါ်၌ မီးလျှံငှက်၏ အမွှေးများ စုပုံနေခြင်း ဖြစ်သည်။ ဟူအာ ထိုနားသို့ လျှောက်သွားလိုက်ပြီးနောက် ထိုငှက်အမွှေးများကို လှမ်းယူလိုက်သည်။
ထိုငှက်မွှေးများက တစ်စနှစ်စ မဟုတ်ဘဲ အစုလိုက် အပုံလိုက် ဖြစ်နေခြင်း ဖြစ်သည်။ ဟူအာ၏ လက်ချောင်းများက စတင်၍ တုန်ယင်လာသည်။
“ညောင်အာ..”
ဟူအာ၏ နှုတ်မှ တီးတိုးသံက ထွက်ပေါ်လာ၏။ ရုတ်တရက် ရင်ဆို့သွားသော ခံစားမှုကို ဟူအာ မခံစားနိုင်သလိုပင်။
ဟူအာ၏ လက်အတွင်း ခရမ်းရောင်မီးလျှံများက ပြိုးပျက်လင်းလက်လာပြီးနောက် ထိုဂူကို ရစ်သိုင်းသွားသည်။ ပြီးနောက်.. တွင်တော့..။
“ဝုန်း.. ဗရော..”
ချင်းရန်နတ်မင်းက ဟူအာ၏ လက်ကို လာဆွဲသည်။ ဟူအာတို့ ဂူအပြင်သို့ ရောက်သည်နှင့် ရေကမာဂူက ပြိုကျသွားလေတော့၏။ ထိုမျှနှင့် ဟူအာ ရပ်တန့်ရန် မတွေးထားသေးပေ။ ဟူအာ ကျွန်းငယ်၏ မျက်နှာပြင်သို့ လက်ဝါးဖြင့် ရိုက်ချပစ်လိုက်သည်။
“ဒုန်း.. ဝုန်း..”
ကျွန်းငယ်က တစ်ခုခုဖြင့် ချိုးဖျက်ခံလိုက်ရသည့်နှယ် စတင် ယိမ်းယိုင်လာသည်။ ချင်းရန်နတ်မင်းက ဟူအာ၏ လက်ကို လှမ်းဆွဲလိုက်ပြီးနောက် သတိပေးစကား ဆိုသည်။
YOU ARE READING
မြေခွေးလေးရဲ့ ချစ်ခြင်း ဒဏ္ဍာရီ
FantasyPaid Groupဝင်ရန် m.me/swaefoxlove ရေးသူ စွဲ့ညို့
