حجر صوان

Part 64

سجى و سليمة : 😂

وصل مصعب داهش و حط ايده ع المقبض غمض عيونه و خذي شهيق و زفير و فتح الباب

و ياناري عليه اما شافها و اكثر شي اثر الخبوش ع وجهها دمعته نزلت

و هي ابتسمت تذكرت الحلم اللي شافاته

مصعب قعمز جنبها : الحمدلله ع سلامتك يا غالية

باس ع راسها : خوفتيني عليك

زوبا ضغطت ع ايده : ونيس يا مصعب ونيس شني صار فيه ؟! ما تكذبي عليا طمني عليه

مصعب : الحمدلله بخير و روح للحوش اموره و صحته كويسة

تنهدت تنهيدة وصلت لاعماق خوها و قداش حي بخوفها : ربي يريح بالك زي ما ريحت بالي الحمدلله

طق الباب

مصعب وقف و لبسها وشاحها : تفضل

خش جهاد و معاه سليمة و سجى

هي تفاجئت بوجودهم و اكثر حد ما عندها معاه عزم جهاد بدت تبكي : جهاد جيتني سامحني

جهاد شبح لسليمة بلوم : كلا العملية اللي درتيها من وراها مش مسامح عليها والباقي دقي مسامح حتى ع السالطو اللي في الزيت هذاكا

هي ضحكت لعند توجعت : اااه

مصعب : فكنا عاد معش تضحكها

جهاد: اسف مع اني عارف ان هذا كله غيرة لاني نقدر نضحكها وانت لا

زوبا قاومت باش ما تضحك

سجى جت وًقعمزت من الجهة الثانية ع السرير و شد ايدها : الحمدلله ع السلامة يا روحي

زوبا : الله يسلمك و سامحيني نكدت عليكم و جيتكم من فرنسا

سجى اشرت لمصعب : توا مش تستاهل الضرب

مصعب : هو كلامها غلط لكن انا مستحيل تهون عليا و نضربها الله غالب

جهاد: كلا انا عقوبتك تراجي فيك غير شدي صحتك بس نوريك

زوبا : باهي اي شي منك مقبول

سليمة : الحمدلله ع السلامة

زوبا : الله يسلمك

و استمروا في الهدرزة لعند طلعوا جهاد و مصعب و قعدوا معاها سجى و سليمة

سليمة قدمت من زوبا : سامحيني بالله عليك انا حكمت عليك بدون ما تعرف قصتك و لا شنو صار معاك و الحق غرت منك واجد ع جهاد و مش نكون معاك صريحة حتى توا مازال غايرة لكن فهمت ان نيتك صافية ع شان هكي نتمنى منك تسامحيني

زوبا بتعب : قلتلك منك قبل عادراتك لاني زمان كنت اسوء منك و ندمت اشد الندم وقت دارت بيا الدنيا و الحمدلله ربي حطني وسط عيلك تحبني و تخاف ربي فيا و اولهم جهاد درته خوي و كنت صادقة اما قلت عليه هكي و لو في اي احتمال ان يصير بينا شي راهو صار من قبل لكن لا من جهتي و لا من جهته في اي شيء نعزه و نتمناله كل خير و ربي يسعدكم