“ကျွန်တော် နားလည်ပြီ”
“ဒါဆို ကောင်းကင်မင်းကြီးက ဘာလို့ မင်းလက်ထဲကို ဒီဒေသကို ထည့်ပေးလိုက်တာလဲ ဆိုတာကို မင်း သိလောက်ပြီလို့ ထင်ပါတယ်”
“သူက အလွယ်လိုက်တာပဲ၊ တခြားနည်းလမ်းနဲ့ အဖြေရှာဖို့ မကြိုးစားဘဲနဲ့ အရွယ်မရောက်သေးတဲ့ နတ်တစ်ပါးကို သူ့အမေနဲ့ ရန်ဖြစ်ရအောင် လုပ်နေတာ”
“အဟွတ်.. အဟွတ်.. မင်း သူ့ကို ဝေဖန်နေတာကို နားလည်ပေမဲ့ ငါက သူ့သားတော်တစ်ပါး ဆိုတာကို မမေ့ပစ်လိုက်နဲ့လေ”
ဟူအာ စိတ်ဆိုးမာန်ဆိုးဖြင့် ပြန်ပြောလိုက်မိသည်။
“ကျွန်တော် တကယ့်ကို ခင်ဗျားက သူ့သားတော် ဆိုတာကို မေ့ပစ်လိုက်ချင်တယ်”
ဟူအာ ပြောလာခဲ့သည့် စကားကို ချင်းရန်နတ်မင်းက ခေါင်းညိတ်ထောက်ခံပြီး ခပ်တိုးတိုး ညည်းညူ၏။
“ငါရောပဲ မေ့ပစ်လိုက်ချင်တယ်”
“ကျွန်တော် ရှင်သန်ခြင်းကျောင်းတော်ကို သွားချင်တယ်”
ဟူအာ၏ တောင်းဆိုချက်ကို ချင်းရန်နတ်မင်းက တအံ့တသြ ဖြစ်သွား၏။ သို့သော် ခေါင်းညိတ်ပြသည်။
“ကောင်းသားပဲ မဟုတ်လည်း မင်းက ကျိုးနတ်မျိုးနွယ်တွေကို လိုက်ပြီးတော့ ဂါရဝပြုရမယ် မဟုတ်လား”
“လုံဆစ်..”
ခုနတုန်းက အနောက်ဘက်တွင် ကျန်နေခဲ့သော လုံဆစ်ကို လှမ်းခေါ်လိုက်သည်။ လုံဆစ်က ခဏအတွင်း သူ့မျက်စိရှေ့သို့ ရောက်လာ၏။ ဟူအာ ချက်ချင်းပင် ကောင်းကင်နဂါးများ၏ အကြားအာရုံကို စူးစမ်းလိုစိတ် ဖြစ်သွားသည်။ သို့သော် ထုတ်မမေးလိုက်ပေ။
“ငါတို့ ရှင်သန်ခြင်းတောင်ကို သွားမယ်”
“ကောင်းပါပြီ မင်းသားငယ်”
ရှင်သန်ခြင်းတောင်က အရှေ့ပိုင်းပင်လယ်နှင့် တောင်ပိုင်းပင်လယ်အကြားတွင် တည်ရှိသည်။ ထို့အတွက် ကြယ်တာရာဒေသနှင့် ခရီးအကွာအဝေးက သိပ်လှမ်းသည်ဟု ဆိုနိုင်သည်။ သို့သော် ထိုစကားက တန်ခိုးကြီးနတ်များအတွက်မူ ထိုသို့ မဆိုနိုင်ပေ။
YOU ARE READING
မြေခွေးလေးရဲ့ ချစ်ခြင်း ဒဏ္ဍာရီ
FantasyPaid Groupဝင်ရန် m.me/swaefoxlove ရေးသူ စွဲ့ညို့
part90+91
Start from the beginning
