Legends of Olympus (On Hold)

White Knights

Amber's POV

Kumunot ang aking noo nang maabutan si Bo sa mechanical room na natutulog.

"Bo?" Ginising ko siya.

"Amber!"

Luminga-linga ako. "Sa'n si Bo?"

"Dad's off duty because it's his wedding anniversary with seventh mom," sagot niya. "They're probably on a date right now...." Tumingin siya sa malayo. "-or making my forty-fifth sibling-"

"Oo," sambit ko. "Nakuha ko na."

Nilingon ko ang pinakamalaking painting na nasa mechanical room, dahil alam kong sa likod ng pader nito ay mayroong nakatagong silid kung saan nagta-trabaho si Mama.

"Kapag ba hahanapin ako ni Mama, sabihin mo nasa dungeons ako." Tinignan ko si Bo the third. "May nahuling huntsman si Bella. Isa ata sa nagtanim ng mga bomba."

"Roger," sagot niya.

Tumango-tango ako at lumabas na ng mechanical room. Hindi kagaya ng nakasanayan, mabibigat ang bawat hakbang ko sa corridors kaya agad kong nakuha ang atensyon ng mga estudyante at aurai.

Kinawag-kawag ko ang aking panga sabay kuyom ng aking palad.

Buwisit na buwisit ako.

Pinadalhan ko ng blankong tingin si Vance na lumabas mula sa kabilang dulo ng hallway papuntang dungeons. Hindi niya rin inalis ang malamig niyang titig sa'kin hanggang sa magkasalubong kami sa gitna at sabay na lumiko sa pababang hagdan nang hindi nagsasalita.

Pagkarating namin sa dungeons, dumiretso kami sa pinakahuling selda.

Nang makita ko ang lalaking nakagapos sa isang upuan at pinapalibutan nung iba, agad akong lumapit sa kanya.

"Amber-"

Bago pa ako mapigilan ni Ash, malakas kong sinuntok ang huntsman sa mukha.

"Tangina mong hayop ka!" Saka ko sinipa ang balikat niya dahilan na bumagsak siya pati ang kanyang kinauupuan.

Dumako ako sa gilid niya at ipinatong ang aking paa sa dumudugo niyang tagiliran.

"Ano 'tong balak niyong pabagsakin ang Academy, ha?" Kusang napaangat ang kanyang katawan nang idiin ko ang paa ko sa sugat niya. "Alam niyo ba ang pinagdaanan ng nanay ko, ng mga magulang namin, para rito?"

"Putangina-" Tinadyakan ko siya.

"Amber," ani Paige.

"Hindi," naiirita kong sabi. "Ba't sobrang kampante ng mga gagong 'to?" tanong ko. "Porke't hindi pa tayo nagpaparamdam sa digmaan?"

Umiwas lang ng tingin ang huntsman.

Natawa ako nang mahina, tila hindi makapaniwala. "Buwisit 'to, ah-"

"You're right, Amber," sabi ni Grey. "They want to lure us out of the Academy and join the fight."

Nangangalit kong tinignan ang huntsman.

"Uubusin ko kayong lahat," mahina kong saad bago umikot at tumabi kay Ash.

Yumuko si Paige sa tabi ng huntsman at mahinahong pinatayo ang upuan, saka pumagitna nina Vance at Grey.

Humilig ako papalapit kay Ash nang may napansin ako. "Sa'n si Henri?"

Nilingon niya ako. "In the ICU, guarding Reign," sagot niya. "Just in case more huntsmen use their abilities to take advantage of her vulnerable state."