Legends of Olympus (On Hold)

Emergence

Reign's POV

Habang naglalakad papuntang ceremonial hall kasama ang mga Omegas, may napansin ako kaya napalinga-linga ako.

Bahagya akong umikot at natagpuan si Henri na nagpahuli sa'min.

Huminto ako at nang makarating siya sa aking tabi, saka lang ulit ako nagpatuloy.

"May nakapagsabi na ba sa'yo tungkol sa claiming ceremony natin?" tanong ko sa kanya.

Umiling siya.

"Claiming Ceremony is where the gods claim their descendants in front of the whole school," pagbibigay-alam ko sa kanya. "It's when we receive our graces, or blessings from our deities, and it could be anything. Weapon... jewelry... instrument..."

"And that includes us?" aniya.

Napangiti ako. "We don't get claimed by the gods."

Pinasadahan niya ako ng tinging nagsasabing kinutuban nga naman siyang maiiba ang class namin.

"But we do get claimed by the titan goddess of memories."

Nagkasalubong ang kanyang kilay. "Mnemosyne."

Tumango ako. "I'll let you see for yourself," tugon ko sa kanya bago bilisan ang aking mga hakbang nang matabihan ko si Grey na nangunguna sa paglalakad.

Bago pa kami makapasok ng ceremonial hall kung saan nakaabang sa'min ang mga estudyanteng nakatayo na, umikot ako para harapin ang class ko.

"Wait," sambit ko na ikinatigil nila.

Tinignan ko si Kuya. "Grey, necktie."

Inayos naman niya ang kanyang necktie.

Kasunod kong nilingon si Bella. "Bella, wag pasobrahan yung kadiliman."

Tumango-tango siya.

Huli kong sinulyapan sina Amber at Zack. "At walang batuhan ng apoy o sandata."

Amber and Zack exchanged threatening glares and snickered at each other before looking separate ways.

"Paige, we're good to go?" tanong ko kay Paige na isang beses akong tinanguan.

Napangiti ako pagkatapos isa-isa silang tinignan, ngunit napatigil ako nang makita si Henri na nasa likuran.

Nakayuko patagilid ang kanyang ulo at nakasayad ang kanyang mga mata sa gawing gilid niya, na para bang malalim ang iniisip.

Nang mapansin ako, inangat niya ang kanyang ulo para salubungin ang aking nangungusisang tingin.

Nginitian niya ako at sinenyasan akong ibaling ang aking atensyon mula sa kanya.

At dahil dito, nagkabahid ng pag-aalala ang tingin ko sa kanya.

"Go," he mouthed.

I pursed my lips for a few seconds before looking back at my brother who had a mischievous grin plastered on his face.

"I'm going to tell Mom and Dad," aniya, dahilan na mapasimangot ako. "-and lolo, and mommyla."

Tila hindi pa kuntento, may idinagdag pa siya. "-and Aunt Treasure and Eva in France."

Napabuntong-hininga ako at sa halip ng pagbabanta niya, dahan-dahan akong napangiti. "Baka nakalimutan mong nasa Academy tayo, Grey, wala sa bahay," paalala ko sa kanya. "Kaya kong gawin kung anong gusto ko."

He bit his lower lip before breaking into a wider grin. "Ah." He chuckled. "Bien parlé, ma jolie princesse."

'Well said, my beautiful princess.'