ဝိညာဥ်​ရေးရာအပင် ဆရာသခင်အဖြစ် ကူး​ပြောင်းလာခြင်း

Chapter 67: Purchasing a Spiritual Pagoda

Unicode

ခြံဝင်းထဲက ရွှီမုရန်ကို ကြည့်လိုက်ကာ စွင်း​မြောင်​မြောင် အနည်းငယ်စိတ်ရှုပ်ထွေးသွားသည်။

စွင်း​မြောင်​မြောင်သည် ရွှီမုရန်နှင့် ယခင်က တွေ့ဆုံခဲ့ဖူးသည်။ စွင်း​မြောင်​မြောင်၏အမြင်တွင်၊ ရွှီမုရန်သည် အနည်းငယ်မှုန်မှိုင်းနေတတ်ပြီး အမြဲတမ်း အဝတ်ကြမ်းကို၀တ်ဆင်ထားတတ်သည်။ ယခုမူ သူ၏အဝတ်အစားများသည် ရိုးရှင်းသော်လည်း၊ ၎င်းတို့သည် အနိမ့်ဆုံးမဟုတ်သည့်အပြင်၊ သူသည် နေရောင်ခြည်ကဲ့သို့ အနည်းငယ်တောက်ပနေပုံရသည်။

" ရွှီမုရန်... မင်း အပြင်သွားမလို့လား? " စွင်း​မြောင်​မြောင်က ရွှီမုရန် အနားသို့​ရောက်လာကာ မေးလိုက်သည်။

စွင်း​မြောင်​မြောင်ကို မြင်​သောအခါ ရွှီမုရန်အံ့သြသွားသည်။ ရွှီမုရန်သည် စွင်း​မြောင်​မြောင်ကို အကြိမ်ပေါင်းများစွာ မြင်ဖူးသည်။ သူနဲ့တွေ့သောအခါ စွင်း​မြောင်​မြောင်က သူ့ကို အမြဲတမ်း မျက်စောင်းထိုးခဲ့ပေမယ့် သူ့ကို တစ်ခါမှ မနှုတ်ဆက်ခဲ့ပေ။

" ဟုတ်တယ်! အိမ်မှာ ပစ္စည်းပျက်နေတယ်။ အပြင်ထွက်ပြီးဝယ်ဖို့လိုလို့ပါ။ " ရွှီမုရန်က ပြန်ပြောသည်။

" ရှောင်ကျင့်ထျင်က မင်းစကားကို လုံးဝနာခံတယ်ဆိုတာ ငါကြားတယ်။ ရှောင်ကျင့်ထျင်လိုမျိုး ပွေရှုပ်တတ်တဲ့သူက မမျှော်လင့်ဘဲ လိမ္မာရေးခြားရှိလာတယ်။ မင်းက တကယ်ကိုအရည်အချင်းရှိတဲ့လူပဲ... " စွင်း​မြောင်​မြောင်က ချီးကျူးလိုက်သည်။

စွင်းချီနဲ့ ကျန်းလီမင်က ထွက်ခွာသွားပြီးနောက် နေရာတိုင်းကိုသွားကာ ရှောင်ကျင့်ထျင်က သူ့မိန်းမကိုနာခံပြီး သူ့အကြံဉာဏ်ကို အမြဲလိုက်နာကာ ကြောက်တတ်တဲ့ခင်ပွန်းဖြစ်လာတယ်လို့ ပြောကြသည်။ သူ့မိန်းမက သူ့ကိုခွင့်မပြုဘဲ သူ့အမိန့်ကို လိုက်နာရုံကလွဲလို့ ဘာမှမလုပ်ဝံ့ဘူး။ သူက ဘယ်တော့မှ မ​ကောင်း​သောနေရာ​တွေကို မသွားဘူးဟု ပြောထားကြသည်။

ရှောင်ကျင့်ထျင်သည် သူ၏ဂုဏ်သိက္ခာအတွက် အကဲဆတ်ခဲ့သည်။ ကြောက်တတ်တဲ့ ခင်ပွန်းသည်လို့ သိထားရင် သူရှက်လာပြီး ဒေါသဖြစ်စရာ တစ်ခုခုလုပ်မိသွားနိုင်သည်။