" ဒါပေါ့၊ ကလေးတွေကို သင်ပေးဖို့ အားထုတ်ရမယ်။ " ရှောင်ကျင့်ထျင် သက်ပြင်းချလိုက်သည်။
ထိုစကားကိုကြားလိုက်သဖြင့် ရှောင်ချင်းယန်၏ မျက်နှာမှာပျက်ယွင်းသွားသည်။
ရှောင်ချင်းယန် ထွက်သွားပြီး ရှောင်ကျင့်ထျင်နှင့် ရွှီမုရန်တို့သည် အခြားခြံဝင်းသို့ပြန်ခဲ့ကြသည်။
ကုတင်ပေါ်တွင်ထိုင်ကာ ပျင်းရိစွာ ခြေဖ၀ါးတွေပွတ်နေသော ရှောင်ကျင့်ထျင်ကို စိုက်ကြည့်ရင်း ရွှီမုရန်သည် ပြောစရာစကားမဲ့သွားသလို ခံစားလိုက်ရသည်။
" ဒီနေ့ လမ်းပေါ်မှာလုပ်ငန်းကြီးတွေ တွေ့ခဲ့တယ်။ " လို့ ရှောင်ကျင့်ထျင်က ပြောသည်။
ရွှီမုရန်က ခေါင်းညိတ်လိုက်ပြီး " ဟုတ်တယ်။ သဲကန္တာရမြို့က ကျေးလက်ဒေသထက်သာလွန်တယ်၊ ဒီကစျေးဆိုင်တွေမှာ ရှေးဟောင်းပစ္စည်းနဲ့ မှော်ပစ္စည်း အများအပြားရှိပေမယ့် သူတို့ကအရမ်းစျေးကြီးတယ်။ "
အရင်တုန်းကတော့ ဒီလိုနေရာမျိုးကိုဝင်ရဖို့ အရမ်းဆင်းရဲခဲ့သည်။ တစ်ခါတစ်ရံ စျေးဆိုင်ထဲဝင်ဖို့ သူစိတ်တွေထင့်နေချိန်မှာတောင် သူ့ရဲ့ ညစ်ပတ်တဲ့ပုံစံကို မြင်လိုက်ရတာကြောင့် ဆိုင်ဝန်ထမ်းတွေက သူ့ကို လက်ခံလိုစိတ်မရှိကြပေ။ တစ်ခါတစ်ရံတွင် ဆိုင်ရှင်အချို့၏ နှင်ထုတ်ခြင်းခံရပြီး ထိုနေရာသည် သူ့လိုလူအတွက်မဟုတ်ကြောင်း လှောင်ပြောင်ပြောဆိုခံခဲ့ရဖူးသည်။
ထိုသို့ တွေ့ကြုံလာရသောအခါတွင် ရွှီမုရန်သည် ဆိုင်အပြင်ဘက်တွင်သာ မတ်တပ်ရပ်ပြီးတောက်ပနေသော ရောင်စုံနံရံကပ်ကြော်ငြာများနှင့် ကြော်ငြာဆိုင်းဘုတ်များကို တောင့်တစွာကြည့်နေမိတတ်သည်။
" ငါ့မှာ ငွေသုံးသောင်းကျော် ဒါမှမဟုတ် လေးသောင်းလောက်ရှိနေသေးတယ်၊ တစ်ရက်တော့ သွားကြည့်ရအောင်။ " ရှောင်ကျင့်ထျင်က ပြောသည်။
ရွှီမုရန်က အံ့သြသွားပြီး " မင်း ဒီနေ့ဘာလို့မသွားတာလဲ? "
ရှောင်ကျင့်ထျင်က ရှက်ရွံ့စွာ ပြန်ဖြေသည်: " မင်းပြောသလိုပဲ၊ ဘာပဲဖြစ်ဖြစ်.... သူတို့က လုပ်ငန်းကြီးတွေလေ...။ အဲဒီမှာ ပစ္စည်းတွေက ဈေးကြီးနိုင်တယ်။ ငါတို့ ရှောင်ဖန်ကို အဲဒီကို ခေါ်သွားပြီး ရှောင်ဖန်လိုချင်တာ ဘာမဆိုမတတ်နိုင်ရင် ရှက်စရာ ကောင်းလိမ့်မယ်။ "
YOU ARE READING
ဝိညာဥ်ရေးရာအပင် ဆရာသခင်အဖြစ် ကူးပြောင်းလာခြင်း
SpiritualBoth Unicode and Zawgyi are available! Title - 穿越之灵植师 Author - Ye Yiluo (叶忆落) Type - Web Novel (CN) Status in COO - 397 chapters (Complete) Original publisher - LC Read Genre - Action, Adventure, Mature, Romance, Shounen Ai, Xianxia I do not own a...
Chapter 66: Bad Friends
Start from the beginning