" နောက်ထပ် အခန်းသုံးခန်းဆောက်ဖို့က အများကြီးကုန်ကျတယ်။ ဒါပေမယ့် အခုရှောင်မိသားစုအတွက် ကြီးကြီးမားမားကိစ္စတော့ မဟုတ်ပါဘူး။ " ချိုးအဖေကပြောသည်။ " မင်းသန်မာလာတဲ့အခါ လုပ်စရာတွေအများကြီး ရှိလာလိမ့်မယ်။ ရှောင်မိသားစုရဲ့သိုးမည်းက သူလေးနက်လာတဲ့အခါ ဒီလောက်ထိ စွမ်းဆောင်နိုင်လိမ့်မယ်လို့ ငါမမျှော်လင့်ထားဘူး။ " ဟု ချိုးအဖေက ထပ်ပေါင်းပြောလိုက်သည်။
ချိုးပိုင် နှုတ်ခမ်းကိုကိုက်လိုက်ပြီး ဘာမှပြန်မပြောပေ။ ရှောင်မိသားစုက အိမ်ဆောက်နေတဲ့အချိန်မှာ ချိုးပိုင်က အဲဒီနေရာကိုသွားကြည့်သောအခါ ရွှီမုရန်က လူတွေကိုစည်းစနစ်တကျ အလုပ်လုပ်ဖို့ စီစဉ်နေတာကို တွေ့ရှိခဲ့ရသည်။ ချိုးပိုင်သည် ဖြစ်နိုင်ချေများ အကန့်အသတ်မရှိဟုသာ ခံစားခဲ့ရသည်။
" ဘာပဲဖြစ်ဖြစ် သူကဘယ်လောက်ပဲအရည်အချင်းရှိရှိ အခုတော့လယ်သမားတစ်ဦးပဲလေ။ နောက်ဆုံးတော့ သူက မိသားစုကြီးရဲ့ သခင်လေးနဲ့ ယှဉ်လို့မရတော့ဘူး။ ငါ ရှောင်ကျင့်ထျင်ကို သွားမေးကြည့်တော့ သူက မင်းကို လက်ထပ်ဖို့ဆန္ဒမရှိဘူး။ အမှုထမ်းလီရဲ့သားက မင်းကိုလက်ထပ်ဖို့ ဆန္ဒရှိနေတယ်။ သူက မင်းကိုမြင်ပြီးကထဲက မင်းကို အရမ်းသဘောကျနေတာ။ လီမိသားစုအိမ်ကို လက်ထပ်ပြီးဝင်ရောက်တာက မင်းအတွက် ပိုကောင်းပါတယ်။ " ချိုးအဖေက ပြောသည်။
ချိုးပိုင်က မျက်မှောင်ကြုတ်ပြီးပြောလိုက်တယ် " အဖေ၊ အဖေက ကျွန်တော့်ကို မမေးဘဲ ကျွန်တော့်ဘဝကို ဆုံးဖြတ်ခဲ့တယ်။ "
ချိုးအဖေက ဒေါသတကြီးပြောလိုက်သည်။ " မင်းအဖေက မင်းကို ဒုက္ခပေးပါ့မလား? ရှောင်ကျင့်ထျင်က မင်းကို စိတ်ဝင်စားတယ်ဆိုရင် ငါလည်း သူ့ကို စဉ်းစားပေးနိုင်တယ်။ ဒါပေမယ့် အခု သူက မင်းကိုဘာမှမထူးခြားသလို အေးစက်စက်နဲ့ လျစ်လျူရှုနေတယ်။ မင်းမျက်နှာပူချင်လို့လား? လီမိသားစုက မြို့တွင်းမှာ စီးပွားရေးအကြီးကြီးလုပ်နေတယ်။ မင်း လီမိသားစုနဲ့လက်ထပ်ရင် မင်းအနာဂတ်မှာ ချမ်းသာလာလိမ့်မယ်။ "
ချိုးပိုင်က ခေါင်းညိတ်ပြီးပြော၏ " ကျွန်တော်နားလည်ပါပြီ...အဖေ၊ ကျွန်တော် သူ့ကို လက်ထပ်ပါ့မယ် "
YOU ARE READING
ဝိညာဥ်ရေးရာအပင် ဆရာသခင်အဖြစ် ကူးပြောင်းလာခြင်း
SpiritualBoth Unicode and Zawgyi are available! Title - 穿越之灵植师 Author - Ye Yiluo (叶忆落) Type - Web Novel (CN) Status in COO - 397 chapters (Complete) Original publisher - LC Read Genre - Action, Adventure, Mature, Romance, Shounen Ai, Xianxia I do not own a...
Chapter 49: Qiu Bai's Marriage
Start from the beginning