The Girl in Worst Section (Completed)

Chapter 80

"Kanina ka pa kumi-kiss sa akin. Kota ka na ngayong araw."

"But, I want to-"

"Ingat ka, baby! I love you!" Kinindat ko siya bago pumasok sa bahay.

Hindi ko na nakita ang mukha niya dahil pumasok na kami sa loob ng bahay. Dumiretso ako sa sofa at doon naupo. Gano'n rin ang ginawa ni Amir.

"Tita, you're saying 'I Love You' to Tito Nix just like Daddy. He always says 'I Love You' to Mommy. Why are you guys saying that?" Puno ng kuryosidad ang tanong niya.

"Eh, gano'n magparamdam ng pagmamahal, e. Ginagamit 'yon para mapatunayan na may positive sa relationship niyong dalawa. Iyong iba ay hindi nagsasabi ng gano'n pero pinaparamdam nila through feelings at sa mga gawa, pinapakita nila mismo sa partners nila. Hindi lang salita ang pagmamahal."

Napatango siya. "What about you? Why you love Tito Nix?"

"Kasi... ano..." Basta mahal ko lang siya. Wala nang tanong-tanong, mahal ko lang siya. At siguro dahil rin sa mga loving, sweet, at caring side niya. "Mahal ko lang siya, iyon lang 'yon. At ganoon rin siya sa akin, mahal niya rin ako."

Saktong lumabas sa kitchen si Ate may hawak siyang cellphone sa isang kamay niya habang isa ay 'yong ladle. Lumapit siya kung nasaan kami.

"Darlene, hinahanap ka ni Drake. Nasa taas siya." Ngumiti siya sa akin bago ilipat ang paningin kay Amir. "Do your homework, anak."

"Later, hindi naman tatakbo ang homework ko." Kinuha ni Amir ang iPad.

Mahina akong natawa sa sagot ni Amir. "Akyat lang ako. Gawin mo na homework mo." Kinuha ko na ang bag ko para pumunta sa kwarto. Dumiretso ako sa loob ng kwarto at doon nakita ko si Kuya na may hawak na kung ano.

Sinilip ko kung ano 'yon. Shit, 'yong mga death threats! Tinabi ko na 'yon para hindi na makita, ang galing talaga maghanap nitong si Kuya.

"Yow-"

"Are you receiving death threats?" Hinarap niya ako.

"Death threats pala 'yan akala ko pa naman regalo." Nagsalubong ang kilay niya. "Joke lang. Matagal na 'yan, siguro mga araw-araw ako nakakatanggap niyan. Hindi naman siya nakakatakot, slight lang."

"Bakit hindi mo sinasabi sa akin?"

"Eh..." Ehtlog.

"Darlene, set aside your jokes. This is a serious thing. You are receiving death threats, and maybe you forgot, someone's wanted your head and maybe they continued their plan to kill you."

Mas nakakatakot pa siya kaysa sa mga death threats na natatanggap ko. Para kasing kaya niya akong tunawin gamit lang ang tingin niya.

"Hindi ko naman 'yon nakakalimutan..."

"E, bakit panay ang labas mo?" salubong na ang kilay niya.

"May kasama naman ako palagi. Saka, kaya ko kaya ang sarili ko."

"You're so stubborn, Darlene," tanging nasabi niya. "Stop going out and stay here in this house." Dala-dala niya ang mga death threats nang lumabas ng kwarto ko.

Naupo ako sa kama. Napabuntong-hininga ako. Gusto kong mag-saya pero hindi ko magawa dahil may nakaabang palagi para wakasan ang buhay ko.

Nagpalit ako ng damit para makababa kung sakaling tawagin na ako. Dumating na rin pala ang susuotin ko sa birthday ni Kuya.

Black draped satin dress ang tawag. Hanggang taas ng paa ko at may slit sa gilid. May kasama rin 'yong pairs ng heels na black rin pero itinatali yata siya sa binti mo, iyon ang style ng heels. Tinabi ko na ang dalawang box at sakto namang bumukas ang pinto ng kwarto ko.