The Girl in Worst Section (Completed)

Chapter 57

From: Darius
Nasa bahay ka raw ni Phoenix? Anong ginagawa mo diyan? Bakit ka nandyan? Umalis ka na diyan.

Marami pa siyang sinasabi.

To: Darius
Nagpapaturo ako mag-drums. Huwag ka ng mag-reply! Wala na akong load.

Kaso may nag-text at may pumasok na isang libong load sa cellphone ko.

From: Darius
May load ka na. Ngayon mag-reply ka na. Hoy! MICHELLE.

Hindi na ako nag-reply. Pinatay ko na cellphone ko at nag-angat ng tingin kay Phoenix na nakatingin na pala sa akin. Umayos siya ng tayo at ni-ready ang drumset. Pinapanood ko lang ang ginagawa niyang pagre-ready.

"Why do you want to know how to play drums?"

"Kapag na-bwisit ako doon ko ihahagis si Darius," biro ko.

"I'm serious."

"Oh? Akala ko ba ikaw si-bro lang," bawi ko nang tumalim ang tingin niya sa akin. "May sasalihan kasi akong drum and sing competition sa-" Napahikab ako. "Plaza tapos may price na 15k kaya ibibigay ko kay Stella. Nalaman ko kasing pinalayas siya tapos mag-isa lang siya kaya kailangan kong matuto para may ibigay ako sa kaniya. Nakakahiya naman kung kay Papa ako manghihingi."

Sa Facebook ko lang nakita ang competition na 'yon pero nag-register na ako. May audition pa at sa sabado na 'yon kaya kailangan kong matuto. At siya lang ang makakatulong sa akin para rin makatulong ako kay Stella.

Umupo siya sa upuan na kasing taas lang ng drumset. Kinuha niya ang drum stick at inikot sa daliri niya. Nag-angat siya ng tingin at tinitigan akong mabuti.

Ay, shit naman, ang pogi.

"Ano?" Tanong ko dahil nakatitig siya sa akin.

Nakakailang ang tingin niya kaya iniwas ko ang sarili ko. Para akong natutunaw sa mga tingin niya, sa bawat titig niya.

"Come here," sinenyas niya ang isang daliri.

Tumayo ako at lumapit sa kaniya. I mean, medyo malayo pala sa kaniya kaya bahagyang nag-salubong ang kilay niya.

"Lapit pa," binasa niya ang ibabang labi. "Come on, Miranda."

Tumikhim ako at ginawa ang sinabi niya.

"Okay na?" Tanong ko pero umiling siya.

Hinila niya ang isang kamay ko kaya napaupo ako sa pagitan ng hita niya. Hindi kaagad ako nakapag-salita sa ginawa niya. Hindi ako makagalaw.

"G-Gago ka ba? May upuan pa do'n, doon na lang ako uupo." Patayo na sana kaso pinulupot niya ang braso sa baywang ko.

"What's wrong with this position?" Inamoy niya ang buhok ko sabay pikit.

"Wala lang... Basta! Doon na lang ako!" Tinanggal ko ang kamay niya pero niyakap niya ako.

Bumilis ang tibok ng puso ko.

"Are you palpitating again?" Lumabas ang mapang-asar na ngiti sa labi niya.

Tangina, narinig niya ang pagkabog ng dibdib ko.

"What's your shampoo?"

Pati ba naman 'yon gusto niyang malaman?

"Dove pink," sagot ko.

Inamoy niya ang buhok ko. "It's smell good." Hinawi niya ang buhok ko at nilagay sa kanang balikat ko. "I bet your cologne is Bench." Mahina siyang tumawa matapos maamoy ang damit ko.

"Tanga, ang bango kaya no'n! Lalo na 'yong color pink. Favorite ko 'yon. Since grade school ako 'yon na ang gamit ko hanggang ngayon."

Pinapaligo ko 'yon sa sarili ko kapag hindi ako nakakaligo kapag papasok.