طولت يدتهم وخلى محمد التلفون وقام يشوف يدته دخل غرفتها وطلع ميت ضحك :
هزاع ( يضحك ) : شسالفه ؟
حمدان : وانت تضحك قبل لا تعرف السالفه
محمد : يدتيه محد
هزاع : ونحن صار لنا نص ساعه نترياها
أحمد : قوموا رحنا الميلس
***
طلعوا وفي طريقهم للميلس رجع محمد فوق يقرا تعليقات الي فالبث وانصدم اكثر من شخص كاتب " منو هالغزال الي مر " " سناب الحلوه " وكلام غيره ، تنرفز وسكر البث :
محمد : شباب
حمدان : هلا؟
محمد : منو من البنات كان عندكم ؟
هزاع : محد ، ليش ؟
محمد : قريت كلام فالبث
***
بعد الغدا راحوا الكبار يقيلون ، والبنات " عاشه وسلامه وساره وروضه " اطلعوا الكوفي يتقهوون بعد الغدا وباقي البنات كانوا مع الشباب الي يلعب سوني والي يلعب سجن والي على تلفونه والي في البث مع محمد ،،، عند البنات الي طالعات ،،، لاحظن سلامه و روضة ان في واحد مر عدالهن ويوم شاف ان الي فالسياره بنات رد لهن لكن ماهتمن وصل كوفي ساره وروضه :
ساره : عواش اي كوفي تبين ؟
عاشه : ستاربكس
ساره : وانتي سلامي ؟
سلامة : اممم مثلها من ستاربكس
ساره : زين وحده تشوف وين دخلته
روضة : هكوا ماتدلينه ؟
ساره : هب عميه اشوفه بس ماعرف وين دخلته ومافيه ادور
عاشه : هاج التلفون وشوفي
وفي طريقهم لستابر بكس وتحديداً عند اللفه وقفت ساره تقرا اللوحه الي وراها لفن كلهم عبالهن صاير شي :
سلامه : بنات هذا يلحقنا
ساره : تراه هب كوفي ابوج
( ضربت عاشه كتف ساره بقوه )
ساره : اوه سوري الله يرحمه
روضة : اقول حركي
وقفت ساره قدام مطعم وهرنت ووقف راعي الفتك عدالها ، ياي العامل صوب عاشه لكن اشرت له يروح الطرف الثاني لان راعي الفتك عند دريشتها ، خذ الطلب وراح ، وهي تريوس فتح الدريشه وكان يأشل لهم يباهم ينزلون الدريشة تنرفزت ساره من حركته وعند لفة الدرايف ثرو دعمت الرصيف وقفت عند السماعه :
ساره : اطلبن انا بنزل اشوف السياره
روضه : صكي وين بتسيرين له
ساره : سيارتيه هب غبيه اسير له
نزلة ساره وهي متلثه ولابسه نظارات تشوف سيارتها لكن من التوتر ماشافت عدل انتبهت ان راعي الفتك موقف فالباركنق وراها ، كانت سلامه تدق على محمد اخوها وهو كان يسولف على المتابعين فكان يبند في ويها :
سلامه : وحده فيكن تدق على اخوها ، حمود مايرد عليه
ساره : هب لازم ببلغ عليه
اطلعت من ستاربكس على الشارع العام وكانت تمشي بسرعه عاليه تحاول تضيعه لكن وراها وراها وبنات خايفات دخلت شعبيه صغيره والبيوت في بعضها ارتاحت ساره وهدت الريس لان ماكان وراها خذت نفس عميق ونزلت راسها على السكان واول مارفعته شافته موقف قدامها ويضرب لها إشاره فتحت المخفي ورفعت تلفونها تصور رقم السياره ، دقت روضه على أحمد لكن ما رد وعقب دقيقه دق عليها :
روضه : هلا ، مشغول
أحمد : هي والله فالقراج ، بس آمري شي فالخاطر
روضه : لا حبيبي سلامتك
أحمد : رديتي البيت
روضه : الحين رادين
أحمد : درب السلامه
( سكر ) دقت روضه على هزاع 5 مرات مارد لانه في الحمام ،،، عند الشباب ،،، طلع هزاع من الحمام وصلى العصر وردت روضه تتصل في هزاع ورد فيصل عنه :
فيصل : حرقتي التلفون شو فيج ؟
روضه : واخيراً حد رد ، الحقونا
فيصل : شو فيكم
روضه : واحد يلاحقنا من اول ماطلعنا
فيصل : ياي ياي
البارت الثاني : سـعـد حـظ مـن شـافـهم
Start from the beginning
