ក្រោយចេញពីហាងអាហារនោះមកវិញស៊ុងហុនក៏ខលទៅសួរជេយ៍ថាពួកគេនៅឯណា ជេយ៍ក៏ប្រាប់ថាពួកគេកំពុងនៅហាងលក់សម្លៀកបំពាក់មួយកន្លែង ពេលដែលបានដឹងហើយស៊ុងហុនក៏ទៅទីនោះតែម្តង។
ពេលដែលទៅដល់ក៏ឃើញប៉ុន្មានអ្នកនោះកំពុងរើសរបស់ គេមិនចាំយូរក៏ដើរទៅរកសូន៊ូនិងនីគីដែលកំពុងតែរើសខោអាវជាមួយគ្នា ។
« នេស! របស់ឯង » គ្រាន់តែដើរមកដល់ភ្លាមក៏ហុចម្ហូបដែលគេបានខ្ចប់មុននោះអោយទៅនីគី ។ ពេលនេះទាំងនីគី ទាំងសូន៊ូសុទ្ធតែកំពុងឆ្ងល់
« ស្អីគេនឹងសិស្សច្បង!? » នីគីមិនទាន់ទទួលរបស់ពីដៃស៊ុងហុនទេ ព្រោះមិនដឹងថាវាជាស្អី ហើយក៏មិនយល់ហេតុអីស៊ុងហុនអោយមកគេ ។
« គឺម្ហូបមុននោះ ខ្ញុំខ្ចប់វាយកមកអោយឯង » ឮចម្លើយរបស់ស៊ុងហុនភ្លាមនីគីក៏មើលមុខស៊ុងហុនបែបមិនគួរអោយជឿតែម្តង នេះគេខំរត់ចេញមកគិតថារួចខ្លួនទៅហើយ តែអ្នកខាងនេះលេងសុទ្ធតែច្រកយកមកអោយទៀត ។ ចំណែកសូន៊ូគេមិនលូក
មាត់ទេគេនៅឈរមើលថាពីរនាក់អ្នកនេះនឹងធ្វើយ៉ាងមិចខ្លះ ព្រោះពេលនីគីមកដល់មុននោះគេក៏បានសួរនីគីដែររឿងម្ហូបនឹង តែនីគីគេថាគេនិងស៊ុងហុនព្រមព្រៀងគ្នាម្នាក់ជាអ្នកចេញលុយម្នាក់ជាអ្នកញ៊ាំតែដល់ឥឡូវស៊ុងហុនបែរជាខ្ចប់មកអោយនីគីទៅវិញ ចឹងគេមានតែចាំមើលថាពីរនាក់នឹងចាត់ការជាមួយអាម្ហូបនឹងយ៉ាងមិច ។« អេ៎! តែខ្ញុំចេញលុយហើយតើ សិស្សច្បងមិនបានចេញលុយសិស្សច្បងនឹងហើយជាអ្នកដែលត្រូវញ៊ាំ »
« ដោយសារតែឯងជាអ្នកចេញលុយនឹងហើយទើបខ្ញុំយកវាមកអោយឯង »
« ហេតុអី? »
« ឯងជាអ្នកចេញលុយ ចឹងឯងជាម្ចាស់របស់នេះ ខ្ញុំមិនបានចេញចឹងវាមិនមែនជារបស់ខ្ញុំទេ »
« ខ្ញុំមិនដឹងទេ! ចឹងចាត់ទុកថាខ្ញុំអោយវាទៅសិស្សច្បងទៅចុះ »
« ខ្ញុំមិនទទួលទេ យករបស់ឯងទៅវិញទៅ » ស៊ុងហុនក៏ហុចមកអោយនីគីម្តងទៀត
« អត់ទេវាជារបស់សិស្សច្បង » នីគីនិយាយហើយក៏រុញមកអោយស៊ុងហុនវិញ ។
YOU ARE READING
ចាញ់ស្នេហ៍សិស្សប្អូន🤍
Romanceផាក ស៊ុងហុន និស្សិតឆ្នាំទីបីនៅសកលវិទ្យាល័យសេអ៊ូល ជាសិស្សប្រុសមានមន្តស្នេហ៍ សង្ហា គ្រាន់តែនៅស្ងៀមៗ ក៏អាចឆក់យកបេះដូងពីសិស្សប្រុសស្រីបានដោយងាយ ក្នុងចំណោមនាក់ទាំងអស់នោះក៏មាន សិស្សប្រុសឆ្នាំទីមួយម្នាក់សម្បុរសស្បែកម៉ដ្ឋដូចកូនង៉ែត ជាមនុស្សរីករាយ រួសរាយរាក់...