ភាគ៣
រឿងចាញ់ស្នេហ៍សិស្សប្អូន
ម៉ោងរៀនដំបូងបានបញ្ចប់ ពេលនេះក៏ជាពេលសម្រាកបន្ទាប់ពីត្រូវចូលរៀនម៉ោងបន្ទាប់ទៀត ។
« គីម សូន៊ូ យ៉ាង ជុងវ៉ុន តាមគ្រូទៅការិយាល័យបន្តិច » អ្នកគ្រូនិយាយឡើងពេលដែលរៀបដើរចេញពីថ្នាក់
« បាទអ្នកគ្រូ » សូន៊ូនិងជុងវ៉ុនមើលមុខគ្នាបន្តិចមុននិងឆ្លើយរួចក៏ដើរចេញទៅតាមអ្នកគ្រូ
« ជុងវ៉ុងឯងគិតថាអ្នកគ្រូហៅពួកយើងមានការអី? » សូន៊ូសួរទៅមិត្តតិចៗពេលកំពុងដើរពីក្រោយអ្នកគ្រូ
« ឯងសួរយើង អោយយើងទៅសួរអ្នកណា ដើរទៅ ទៅដល់នឹងដឹងហើយ » ជុងវ៉ុននិយាយរួចពួកគេក៏ឈប់មាត់ ហើយដើរតាមអ្នកគ្រូរហូតដល់ក្នុងការិយាល័យ ។
« អ្នកគ្រូហៅពួកឯងមកនេះ គឺចង់ពឹងអោយពួកឯងជួយយកក្រដាសកិច្ចការនេះទៅចែកអោយសិស្សច្បងនៅអាគារឆ្នាំទីបីបន្តិច គឺយកទៅថ្នាក់Aពួកឯងស្គាល់ហើយមែនទេ » អ្នកគ្រូនិយាយចប់ក៏ហុចក្រដាសកិច្ចការអោយទៅពួកគេ
« បាទអ្នកគ្រូ » សូន៊ូនិងជុងវ៉ុនឆ្លើយរួចសូន៊ូក៏ទទួលក្រដាសពីដៃអ្នកគ្រូ
« អរគុណពួកឯងហើយ អរហើយមួយទៀតកុំភ្លេចប្រាប់ពួកគេផងថាអ្នកគ្រូទៅបង្រៀនយឺតបន្តិចព្រោះអ្នកគ្រូរវល់ » អ្នកគ្រូ
« បាទអ្នកគ្រូ អញ្ចឹងពួកខ្ញុំលាសិនហើយអ្នកគ្រូ » ជុងវ៉ុននិយាយរួចពួកគេក៏អោនគំនាបលាអ្នកគ្រូហើយចេញមកខាងក្រៅវិញរួចដើរសំដៅទៅអាគារឆ្នាំទីបី។
« នេះទើបតែចូលរៀនបានពីរថ្ងៃពួកសិស្សច្បងៗក៏មានកិច្ចការធ្វើទៅហើយហេស? ចំជាពិបាកមែន» សូន៊ូនិយាយទាំងសម្លឹងទៅក្រដាសដែលនៅនឹងដៃខ្លួន
« បន្តិចទៀតពួកយើងក៏កុំតែដូចគ្នាទេ គ្រាន់តែយូរហើយនិងឆាប់ប៉ុណ្ណោះ » ជុងវ៉ុន
« កាលថ្នាក់វិទ្យាល័យមិនពិបាកបែបនេះសោះ ហឹម! » សូន៊ូនិយាយរួចដកដង្ហើមធំ
« បើដូចមិនមែនមួយជាវិទ្យាល័យមួយជាសកលវិទ្យាល័យទេ ឯងនេះចេះតែនិយាយទៅរួច » ជុងវ៉ុននិយាយហើយរុញក្បាលមិត្តបន្តិច
YOU ARE READING
ចាញ់ស្នេហ៍សិស្សប្អូន🤍
Romanceផាក ស៊ុងហុន និស្សិតឆ្នាំទីបីនៅសកលវិទ្យាល័យសេអ៊ូល ជាសិស្សប្រុសមានមន្តស្នេហ៍ សង្ហា គ្រាន់តែនៅស្ងៀមៗ ក៏អាចឆក់យកបេះដូងពីសិស្សប្រុសស្រីបានដោយងាយ ក្នុងចំណោមនាក់ទាំងអស់នោះក៏មាន សិស្សប្រុសឆ្នាំទីមួយម្នាក់សម្បុរសស្បែកម៉ដ្ឋដូចកូនង៉ែត ជាមនុស្សរីករាយ រួសរាយរាក់...
