យប់មិញពេញមួយយប់ជុងវ៉ុននៅគេងអោប លួងលោមសូន៊ូរហូតទាល់តែគេគេងលក់ ហើយទម្រាំតែគេងលក់នេះមិនដឹងជាម៉ោងប៉ុន្មានទេ ទើបព្រឹកឡើងសូន៊ូក្តៅខ្លួន ព្រោះតែគេងយប់ជ្រៅពេក បូករួមទាំងគេយំផង ពេលក្រោកពីគេងក៏មិនសូវស្រួលខ្លួន ឯភ្នែកវិញក៏ហើមស្ពីង ទើបជុងវ៉ុនឃាត់គេមិនអោយទៅរៀន ឯជុងវ៉ុនផ្ទាល់ក៏ចង់នៅកំដរមិត្តដូចគ្នា តែសូន៊ូបដិសេដ នឹងដេញជុងវ៉ុនអោយទៅរៀន បើពួកគេឈប់ទាំងពីរនាក់នោះមេរៀនថ្ងៃនេះប្រកដជាមិនទាន់គេទេ ណាមួយម្សិលមិញចេញមុនម៉ោងទៀត ។
សូន៊ូថ្ងៃនេះគេធ្វើចិត្តបានជាងម្សិលមិញខ្លះហើយត្បិតថាវាមិនណាស់ណាតែគេក៏មិនយំទៀតទេ ព្រោះបានការលួងលោមពីមិត្ត ជុងវ៉ុននិយាយត្រូវណាស់មានអ្នកដែលស្រលាញ់ អ្នកដែលបារម្ភយកចិត្តទុកដាក់ពីគេច្រើនណាស់ ហេតុអីចាំបាច់ទៅធ្វើអោយវេទនាខ្លួនជាមួយមនុស្សដែលមិនស្រលាញ់យើងធ្វើអី តែថាទៅអ្នកខាងណោះក៏គេមិនបានខុសដែលយើងតើជាអ្នកទៅស្រលាញ់គេខ្លួនឯងនោះ បើគេមិនស្រលាញ់យើងទៅបន្ទោសគេយ៉ាងមិចនឹងកើត ។
_____________
#សកលវិទ្យាល័យ
ពេលនេះស៊ុងហុន ជេយ៍ ជេក និងហ៊ីស៊ឺងកំពុងនាំគ្នាដើរទៅកង់ទីនដើម្បីញ៊ាំអាហារពេលព្រឹក នៅសល់ពេលប្រហែលជាល្មមដែរ ទម្រាំតែចូលរៀនទើបពួកគេឆ្លៀតទៅញ៊ាំអោយហើយ ព្រោះបើចាំអោយដល់ពេលចេញលេងទើបទៅ គឺយូរណាស់សឹងតែហួសម៉ោងអាហារពេលព្រឹកទៅហើយ បែបនេះទើបពួកគេប្តូរមកញ៊ាំពេលនេះវិញ ។
« អើយនែ៎ដើរអោយលឿនបន្តិចមោនៅមើកៗនឹងពេលណាដល់ យើងឃ្លានសឹងដាច់ពោះទៅហើយ» កំពុងតែដើរៗជេយ៍ក៏ឈប់ ងាកទៅក្រោយថាអោយស៊ុងហុនដែលដើរយឺតៗដូចអត់បាយ មុខវិញមិនរីកសោះអោយក្រៀមក្រោះដូចផ្កាខានស្រោចទឹកមួយខែ តែថាទៅមុខគេនេះបែបនេះរាល់ថ្ងៃស្រាប់ហើយ តែថ្ងៃនេះវាជាងរាល់ដង ។
« ហើយឯងវាយ៉ាងមិចឯងហា៎ស មុខគ្មានហុងស៊ុយសោះ នេះពេលព្រឹកព្រលឹមណា គេអោយញញឹមអោយច្រើនទើបវាមានលាភមានជ័យហូរចូលមកតែបើមុខឯងបែបនេះ ទោះវាចង់មកគ្រាន់តែឃើញមុខឯងក៏វារត់ទៅវិញអស់ដែរ វាឆ្លងមកដល់យើងដែលដើរជាមួយឯងទៀតនា៎ក » ហុីស៊ឺងដែលដើរដំណាលជេយ៍នឹងជេក ពេលដែលជេយ៍ឈប់ដើរងាកទៅថាអោយស៊ុងហុនគេក៏ងាកទៅតាមហើយក៏ថាអោយបន្តកន្ទុយតែម្តង ។
ŞİMDİ OKUDUĞUN
ចាញ់ស្នេហ៍សិស្សប្អូន🤍
Romantizmផាក ស៊ុងហុន និស្សិតឆ្នាំទីបីនៅសកលវិទ្យាល័យសេអ៊ូល ជាសិស្សប្រុសមានមន្តស្នេហ៍ សង្ហា គ្រាន់តែនៅស្ងៀមៗ ក៏អាចឆក់យកបេះដូងពីសិស្សប្រុសស្រីបានដោយងាយ ក្នុងចំណោមនាក់ទាំងអស់នោះក៏មាន សិស្សប្រុសឆ្នាំទីមួយម្នាក់សម្បុរសស្បែកម៉ដ្ឋដូចកូនង៉ែត ជាមនុស្សរីករាយ រួសរាយរាក់...
