Elemental Kingdoms: The Rule Breakers (Completed)

Chapter 3

Aria's POV

I am fond of watching different kinds of forbidden love stories. 'Yong tipong buwis buhay. Like 'yong tao na maiinlove sa demonyo. O kaya naman mahirap na maiinlove sa ubod ng yaman. O 'di naman 'yong chinese, maiinlove sa pinoy. Tomboy na maiinlove sa babae. Bakla na maiinlove sa lalaki. Tao na maiinlove kay Malleficent. 'Yong tipo ng lovestory na against all odds, na kahit anong bomba o dinamita ang itapon e hindi sila papatinag, they will still end up together. Gano'n naman sa movies 'di ba? Kaso, hindi na movies ito. Totoo na 'to.

So gano'n? Hindi pala pwedeng mainlove sa ibang Kingdom? Paano na ang umuusbong na pagpapantasya ko kay Kai?!

"Meron na ba sa history ng elemental people ang sumuway sa rule na 'yan?" I asked Thea.

"Based sa pag aaral ko ng history, wala pang nagtangkang labagin 'yong rule na 'yon. Aria, you have to listen to me, we are responsible in maintaining the balance of the world. Just imagine how it will affect the human world kapag sinuway 'yong utos. 'Yon lang naman ang pinakarule sa lahat," she said. Pero naisip ko, ang unfair. Paano kung sa iba ka nainlove? Give up agad? Hindi man lang lalaban? Suko na agad-agad? Ay nakakaloka naman ito!

"Kung gano'n pala, dapat hindi na nila pinagsasama-sama lahat ng elemental people para masecure na wala talagang maiinlove sa ibang kingdom," I replied. Medyo natawa si Thea sa sinabi ko.

"Kung gano'n ang gagawin, edi paano tayo magtutulungan sa pagbalance ng mundo? Sama-sama tayo dito because we need to work it out together. Hindi pwedeng puro tubig lang o puro hangin. We have to combine the elements that we have. Kaya pansin mo, bawat grupo, mayroong air, water, fire at earth." Ah. Gano'n pala. Okay lang 'yan, Aria. Wala ka kasing alam! Kaya magtanong ka lang nang magtanong.

"Okay lang 'yan, Aria. You can ask each of us. We will answer your questions to the extent of what we know."

"Wait, may isa pa akong tanong."

"Go ahead."

"Kailan ko makikita ang tatay ko?" 18 years ko nang hindi nakikita ang tatay ko. I am curious kung ano ba ang itsura niya. Kamukha ko kaya siya?

"Well, that's the disadvantage of being a son or daughter of a God or Goddess. We are not able to see them. We can hear and feel them pero hindi natin sila pwedeng makita." Say what?! Bakit hindi? Bawal din makita pati magulang?!

"Why not?" tanong ko kay Thea.

"Wala naman kasing nakakakita sa Gods and Goddesses, Aria. Nakalagay 'yon sa book of elemental. Kasama kasi 'yon sa pagbalance ng mundo. 'Yong unidentified ang Gods and Goddesses." Biglang nawindang ang thyroid gland ko dahil sa sinabi ni Thea.

"Walang nakakakita e paano nabuntis ang nanay ko?! At ikaw, nanay mo si Agua 'di ba? Edi siya ang umire sayo. Ang weird naman ng sinasabi mo." Natawa si Thea dahil sa kachorvahan na sinabi ko.

"Nakakatuwa ka, Aria. Oh well, according to Ciero, head of the Sui Kingdom, my mother delivered me through water. Nakita na lang daw nila ako na inaagos ng Agua river papunta sa Sui Kingdom. That's it. No trace of my mother. Pero nasa prophecy na may batang dadalhin ang Agua river at papangalanan na Eidothea at ako 'yon, Aria," she said and she smiled. Grabe! Ano daw? Inagos siya ng Agua river?! Ay ang taray naman! Hindi man lang ba siya nalunod o kung ano pa man?! Anak nga siya ni Agua 'di ba? Water person siya! Malamang hindi siya malulunod! Kaloka ka, Aria!

"Paano ka nakakasiguro na hindi ka anak ng ibang water people? I mean, hindi ko pinagdududahan na ikaw ang anak ni Agua, but what if there were lots of babies na ipinaagos sa Agua river noong panahon na 'yon?" I asked out of confusion. Nakakakulot ng bangs ang mga nalalaman mo, Aria.