ជំហានជើងតូចខ្លីរបស់នាយតូចរូបស្រស់ដែលកំពុងតែបោះឈានទៅខាងមុខញាប់ស្អេកសម្តៅឡើងទៅលើដំបូលអាគារសាលាដើម្បីទៅរក Jungkook ដែលបានគេចមុខខ្លួនតាំងពីនៅជុំគ្នានៅខាងក្រោម ។ ហើយពេលនេះក៏ជិតដល់ម៉ោងចូលរៀនហើយដែរ ទើប Tae ប្រញាប់ប្រញាលរត់ឡើងមកតាមគេ ។
« ហ្ហើយ!!! ហត់ណាស់ » Tae ដកដង្ហើមធំទាំងថ្ពាល់ក្រពុំមានសាច់ត្រលុកៗរបស់គេកំពុងតែឡើងក្រហម មិនដឹងថាគេកើតអ្វីនោះទេ រាល់ពេលដែលគេហត់ខ្លាំងពេកគេតែងតែក្រហមមុខ ក្រហមថ្ពាល់បែបនេះរហូត ។
« មករកអី?? » Jungkook ទាញកាសចេញពីត្រចៀកវិញរួចទើបងាកមុខទៅសម្លឹងមើលនាយតូចដែលកំពុងដកដង្ហើមញាប់ៗ ច្រត់ដៃទៅលើជង្គង់ទាំងថ្ពាល់ក្រហមរងិល ។
« មករកឯង » Tae ដាក់ខ្លួនទៅអង្គុយលើកៅអីដែលនៅក្បែរកៅអីរបស់ Jungkook ប៉ុន្តែគ្រាន់កៅអី Jungkook ខ្ពស់ជាងមួយថ្នាក់ ។ នាយតូចផ្អៀងមុខដាក់ផ្អែកទៅលើជង្គង់របស់គេ ទម្លាក់ត្របកភ្នែកចុះបន្តិចដោយសារតែហត់ពេក ។
« រកធ្វើអី?? មិនបាច់ចាំយើងចូលរៀនទេ យើងអារម្មណ៍ល្អយើងចូលខ្លួនឯងហើយ »
« Jung តែឯងសន្យាជាមួយយើងហើយថាឯងនិងចូលរៀន » Tae ងើយមុខទៅសម្លឹងមុខគេទាំងជ្រួញចញ្ចើម កាលពីព្រឹកមិញគេបានសន្យាថានិងចូលរៀនមិនគេចទៅណាទៀតទេ តែមើលពេលនេះចុះ គេរារែកមិនចង់ចូលទៀតហើយ ។
« យើងមិនបានក្បត់សន្យានោះទេ គ្រាន់តែពេលនេះយើងមិនទាន់ចង់ចូល ឯងទៅរៀនវិញទៅ »
« ខឹងយើងមែនទេ?? » ស្របនិងសំណួរ Tae ក៏ងើយមុខឡើង ព្រិចភ្នែកសម្លឹងមុខគេភ្លឹះៗ តែដោយសារចាំងនិងពន្លឺព្រះអាទិត្យទើបគេត្រូវបិទភ្នែកចុះមួយរំពេច ។ Jungkook សន្សឹមៗលើកដៃទៅបាំងពន្លឺនោះមិនឱ្យចាំងត្រូវមុខនាយតូចបានទៀត តែដោយសារមិនប្រកដចិត្តខ្លាចថាពន្លឺនៅតែត្រូវ Jungkook ក៏បង្វែរខ្លួនយកខ្នងបាំងជំនួសតែម្តង ។
« ខឹងរឿងអី? ចុះទៅវិញហើយទៅថ្នាក់រៀន »
« ឯងកំពុងខឹងយើង យើងមើលដឹង »
YOU ARE READING
💗 ជំពប់ស្នេហ៍ 🔐
Romanceយើងលង់ស្រឡាញ់ឯង ស្រឡាញ់ហើយ ស្រឡាញ់ខ្លាំងបំផុត តែយើងបានត្រឹមតែលាក់អារម្មណ៍នេះពីក្រោយមិត្តភាពតែប៉ុណ្ណោះ Jeon Jungkook Main character : Jeon Jungkook ft Kim Taehyung Author : AERA ROSAA (សៀម លីហ័ង) Date : 15/11/2020 📝 Cover by : Somavotey ♡︎