ពេលរាត្រីបានឈានចូលមកដល់ កម្លោះតូចរូបស្រស់ និងអ្នកកម្លោះរូបសង្ហារក៏បានចូលរួមឆ្លងខួបកំណើតរបស់មិត្តភក្តិនៅឯ Club មួយកន្លែង ប៉ុន្តែពួកគេបានជួលបន្ទប់មួយដាច់សម្រាប់ធ្វើពិធីតែម្តង ហើយអ្នកមកចូលរួមឆ្លងក៏មិនតិចនោះដែរ ឃើញមានសិស្សផ្សេងៗទៀតមកច្រើនគួរសម ។
ក្រឡេកមកមើលតុមួយដែលមានគ្នីគ្នាអង្គុយផឹកសើចក្អាកក្អាយជាមួយគ្នារីករាយជាមួយនិងកម្មវិធីគ្រប់ៗគ្នា អ្នកអង្គុយផឹកក៏ចេះតែផឹកទៅ ដោយឡែកខុសគេតែគូសង្សារមួយគូដែលកៀកកើយគ្នាយ៉ាងស្អិតរមួតចូលគ្នាដូចពស់ថ្លាន់អញ្ចឹង ។
« Jung ផឹកល្មមៗបានហើយ » នេះមែនទេរាល់ដងដែលគេតែងតែមកផឹកជុំគ្នាជាមួយ Jay និង Jimin?? មួយកែវៗលើកដាច់ៗបែបនេះឬ?? បើគេលេងចាក់អកៗមិនឈប់បែបនេះ បើស្រវឹងគិតយ៉ាងមិច?? អ្នកណាជូនអ្នកណាទៅសម្រាកទៅ??
« ហ្ហឹម?? ហេតុអី?? បងមិនបានស្រវឹងទេ » Jungkook ដាក់កែវស្រាចុះទៅលើតុវិញដោយមិនភ្លេចញាក់ចញ្ចើមប្រាប់អ្នករួមតុឱ្យចាក់ស្រាថែម ។ បែរមុខទៅនិយាយជាមួយសង្សារទាំងញញឹមជាប់ អោនទៅថើបថ្ពាល់គេញីចុះញីឡើងដូចជាថើបក្រញិចកូនក្មេងម្នាក់អញ្ចឹង ។
« គឺអូនស្អុយស្រាច្រើនជាង មិនផឹកក៏ស្រវឹងដោយសារបងដែរ » នាយតូច ចងចញ្ចើមផ្អឹបចូលគ្នាសម្លឹងមើលទៅគេមិនដាក់ភ្នែក ចេះណាស់ហាមខ្លួនមិនឱ្យប៉ះស្រាទេ ឯគេវិញលើកដាច់ៗរហូត ។
« ពិតឬ?? » ស្របនិងការសួរ អ្នកកម្លោះ ដាក់ដៃម្ខាងទៅលើជញ្ជាំង ឯកែងដៃម្ខាងទៀតនៅលើគែមសាឡុងខិតខ្លួនចូលទៅរក នាយតូច កាន់តែកៀកហើយក៏លូកមេដៃទៅអង្អែលច្បិចថ្ពាល់គេលេងថ្នមៗ បែរខ្នងដើម្បីប្រើវាបាំងបិទរាល់កាយវិការពីភ្នែកអ្នកដទៃ ។
« សឺត!! អូនក្រអូបណាស់ » Jungkook ពោលពាក្យសរសើរមកម្តងហើយម្តងទៀត លូកដៃទៅស្រាយកន្សែងបង់.កដែលខ្លួនជាអ្នកចងឱ្យ នាយតូច ចេញមកវិញ ព្រោះគេចង់ថើប បើចងកន្សែងបែបនេះគេថើបមិនកើតឡើយ ។
« Jung ពួកយើងមិនមែននៅតែពីរនាក់ទេ » Tae វាយទ្រូងគេមួយដៃ ខិតខ្លួនគេចពីគេបន្តិចអាងតែបានកន្លែងអង្គុយនៅខាងកៀននិងរៀងងងឹតគេខូចសម្បើមណាស់ ងាកថើប ងាកបឺត បានបន្តិចក៏ស្ទាប ក៏អង្អែលខូចនោះខូច ។
आप पढ़ रहे हैं
💗 ជំពប់ស្នេហ៍ 🔐
रोमांसយើងលង់ស្រឡាញ់ឯង ស្រឡាញ់ហើយ ស្រឡាញ់ខ្លាំងបំផុត តែយើងបានត្រឹមតែលាក់អារម្មណ៍នេះពីក្រោយមិត្តភាពតែប៉ុណ្ណោះ Jeon Jungkook Main character : Jeon Jungkook ft Kim Taehyung Author : AERA ROSAA (សៀម លីហ័ង) Date : 15/11/2020 📝 Cover by : Somavotey ♡︎