« សឺត!!! ចាំបងយូរឬអត់?? » អ្នកកម្លោះ ដើរលបៗពីក្រោយចូលទៅរក នាយតូច អើតមុខទៅថើបថ្ពាល់ក្រពុំរបស់គេមួយដង្ហើមធ្វើឱ្យម្ចាស់សាមីខ្លួនភ្ញាក់ចេញពីការភាំងភ្លឹកមកវិញឡើងក្រញាងតែម្តង មិនដឹងថាគេស្រមើស្រមៃដល់ណាបានជាគ្មានប្រលឹងប្រលះនៅក្នុងខ្លួនបែបនេះ ។
« នែ៎!! លោកឡប់មែនទេ? » Tae លើកដៃទៅវាយគេមួយ ខ្ទប់ថ្ពាល់ត្រង់កន្លែងដែលគេថើបអម្បាញ់មិញហើយក៏ងាកមើលជុំវិញខ្លួន មនុស្សឱ្យឡើងគគោកដូចស្រមោចគេហ៊ានមកថើបមកអីកណ្តាលវាល ។
« បងគ្រាន់តែចង់ថើប មើលទៅអូនដូចជាមិនទាន់ញ៉ំាអ្វីទេ ញ៉ំាទៅនេះ » គេញាក់ស្មាធ្វើហីមើលទៅដូចជារឿងធម្មតាមួយសម្រាប់គេអញ្ចឹង មុននិងដាក់ខ្លួនអង្គុយគេក៏ឆ្លៀតច្បិចថ្ពាល់ក្រពុំលេងម្តងទៀតទើបគេអង្គុយបានសុខ ។
« ក្រែងលោកឱ្យចាំមិនអញ្ចឹងខំចាំហើយនៅមករអ៊ូទៀត » នាយតូច លើកដៃមកត្រដុសញីថ្ពាល់ទៅវិញទៅមកស្រាលៗដោយសារតែរាងឈឺ សាច់ទន់រលោងដូចជាសាច់កូនង៉ែតប៉ះបន្តិចក៏ក្រហមៗ មើលចុះគ្រាន់តែគេញីបន្តិចមុននេះនិងឥឡូវឡើងក្រហមរងិលទៀតហើយ ។
« ឈប់ Tae វាដូចជាហិល ឱ្យបងញ៉ំាមក អូនញ៉ំារបស់បងទៅ » ពេលដែលឃើញ នាយតូច បម្រុងនិងដួសអាហារដាក់ចូលមាត់តែគេក៏សង្កេតឃើញថាវាដូចជាហិល ទើបគេប្រញាប់ចាប់ដៃជាមុនមិនឱ្យញ៉ំាបានទាន់ទេ ។
« អរគុណ »
« សុំតែមួយបានហើយមិនបាច់អរគុណអ្វីច្រើនទេ » គេអើតមុខទៅនិយាយខ្សឹបៗល្មមអាចស្តាប់ឮការសម្ងាត់បានតែពីរនាក់ ហើយអ្វីដែលគេទទួលបានមកវិញនោះគឺ នាយតូច សម្លក់មុខគេចង់ជ្រុះគ្រាប់ភ្នែក ។
« បិទមាត់ហើយញ៉ំាបាយរបស់លោកទៅ »
« បើបិទមាត់បងយ៉ាងមិចកើត?? អូនយកមាត់មកបញ្ចុកបងមែនទេ? » ស្របនិងសំណួរ កម្លោះសង្ហារ ក៏ច្រត់កែងដៃទៅលើតុទ្រចង្ការញញឹមដាក់ នាយតូច ពង្រាយមិនលាក់មិនលៀម មិនខ្លាចក្នុងការបញ្ចេញស្នាមញញឹមមកបន្តិចនោះឡើយ ។
« បើមិនញ៉ំាទេ ខ្ញុំដូរតុ »
« អេ៎!! ប្រញាប់តែខឹងរហូតនាក៎ បងលេងបន្តិចក៏មិនបាន » Jungkook រហ័សលូកដៃទៅចាប់ដៃ Tae ជាប់ទាញឱ្យគេអង្គុយចុះមកវិញទាំងរអ៊ូតិចៗ ថ្ងៃនេះកាចនោះកាច បន្តិចវាយៗ ខឹងក៏ឆាប់ខឹងមិនដឹងថាគេកើតអ្វី ។
DU LIEST GERADE
💗 ជំពប់ស្នេហ៍ 🔐
Romantikយើងលង់ស្រឡាញ់ឯង ស្រឡាញ់ហើយ ស្រឡាញ់ខ្លាំងបំផុត តែយើងបានត្រឹមតែលាក់អារម្មណ៍នេះពីក្រោយមិត្តភាពតែប៉ុណ្ណោះ Jeon Jungkook Main character : Jeon Jungkook ft Kim Taehyung Author : AERA ROSAA (សៀម លីហ័ង) Date : 15/11/2020 📝 Cover by : Somavotey ♡︎