ព្រឹកថ្ងៃថ្មីនៅឯសាលារៀនពួកយើងអាចមើលឃើញអ្នកកម្លោះរូបសង្ហារម្នាក់ដែលកំពុងតែឈានជើងដើរមកកន្លែងដែលមិត្តភក្តិតែងតែចំណាំមកអង្គុយនៅទីនេះ តែពេលដើរមកដល់គឺឃើញតែពីរនាក់ ម្នាក់ទៀតគេមិនបានបង្ហាញខ្លួននៅទីនេះនោះទេ ។ Jungkook សម្រួលឥរិយាបទបន្តិច រួចទើបបោះជំហានដើរចូលទៅរកពួកគេ ។
« Morning » Jungkook បន្លឺឡើងតិចៗព្រមជាមួយនិងស្នាមញញឹមដាក់ពីរនាក់ដែលកំពុងតែអង្គុយនិយាយគ្នានៅលើបង់ ។ ដាក់កាតាបចុះទៅលើបង់មុននិងដាក់ខ្លួនទៅអង្គុយតាមក្រោយ ។
« អារម្មណ៍ល្អស្អីឯងមក Morning ពួកយើង?? ចុះឯណា Tae គេមិនមកទេហ្ហេស?? » Jimin តបទៅគេវិញទាំងចងចញ្ចើមឆ្ងល់ ហើយគេទៅអារម្មណ៍ល្អស្អីមកទាំងព្រឹក?? ហើយនៅមិនឃើញគេមកជាមួយ Tae ទៀត ។
« មិនដឹង » Jungkook ញាក់ស្មាបន្តិច តបហីៗហាក់មិនខ្វល់ទាល់តែសោះ ។
« ក្រែងដេកបន្ទប់ជាមួយគ្នាមិនចឹង?? » Jay ចោទសួរទៅគេបន្ត មើលគេឆ្លើយចុះ បន្ទប់ក៏នៅជាមួយគ្នា រាល់ព្រឹកក៏មកជាមួយគ្នា តែថ្ងៃនេះបែរជាបាត់ម្នាក់ទៅវិញ ។
« យើងដឹងរឿងអស់ហើយ ពួកឯងក៏ដូចគ្នាចូលដៃចូលជើងបោកយើងបានល្អណាស់ » Jungkook លើកដៃចង្អុលមុខពួកគេចុះឡើងៗឆ្លាស់គ្នាម្តងម្នាក់ ធ្វើឱ្យពួកគេងាកមុខមកសម្លឹងគ្នាភ្លាមៗតែម្តង ។
« ហ្ហេ!! Jung បោកស្អីឯង?? » Jimin ប្រឹងធ្វើជាមិនដឹងរឿង ព្រោះមិនទាន់ច្បាស់ទេថាគេទៅដឹងអ្វីមកឱ្យប្រកដនោះទេ វាអាចនិងមិនមែនជារឿងនោះក៏ថាបាន យើងត្រូវគិតពីអ្វីដែលល្អៗ កុំយករឿមិនល្អមកគិតអី ។
« កុំមកធ្វើមិនដឹងរឿង លាក់យើងបានជិតល្អណាស់មួយៗ » Jungkook
« ឯងដឹងរឿង Tae?? » Jay លេបទឹកមាត់មួយក្អឹក រួចទើបក្រឡេកភ្នែកទៅមើលអ្វីផ្សេងវិញបែបគេចភ្នែកចេញពីគេ ។
« អើ!! ដឹងអស់ហើយ »
« នែ!! ឯងមានធ្វើអីគេឬអត់?? កុំឆ្គួតវើយ!! យ៉ាងណាក៏មិត្តភក្តិដែរ » Jimin
« យើងមិនបានធ្វើបាបគេទេ ឯងគិតថាយើងធ្វើអី?? វាយគេ?? យើងគ្រានតែដេញចេញពីបន្ទប់ » Jungkook ក្រវីក្បាលប្រកែក ព្រោះគេមិនបានប៉ះ Tae មួយដៃនោះទេ គេដឹងថាយប់មិញគេស្រវឹងពាក្យខ្លះនិយាយចេញមកវាអាចនិងជ្រុល តែគេនៅចាំបានថាគេមិនបានលើកដៃវាយធ្វើបាប Tae នោះទេ ។
YOU ARE READING
💗 ជំពប់ស្នេហ៍ 🔐
Romanceយើងលង់ស្រឡាញ់ឯង ស្រឡាញ់ហើយ ស្រឡាញ់ខ្លាំងបំផុត តែយើងបានត្រឹមតែលាក់អារម្មណ៍នេះពីក្រោយមិត្តភាពតែប៉ុណ្ណោះ Jeon Jungkook Main character : Jeon Jungkook ft Kim Taehyung Author : AERA ROSAA (សៀម លីហ័ង) Date : 15/11/2020 📝 Cover by : Somavotey ♡︎
