'' مامحبة إلا بعد تنمر ..💛 ''
- هدير ..هدير قومي إصحي ، إصحي ياهدير
'' صحيت من النوم مفزوعة ، مش عارفة فيه إيه ..''
= إيه ياماما ؟ حد يصحي حد كدة ؟ إيه في إيه ؟
- قومي ، قومي شوفي باباكي عايز يعمل فينا إيه قومي
= عايز يعمل إيه ؟
- قومي إطلعي برا إتكلمي معاه'' قومت وأنا مش فاهمة أي حاجة وطلعت برا لبابا ..''
= في إيه يابابا ؟
'' بصلي بابا وبعدين بص لماما وقال ..''
- مافيش حاجة ياهدير
- ماما : لأ فيه ، قولها إنت عايز تعمل فينا إيه ؟
= فيه إيه يابابا ؟
- بابا بتنهيدة : إحنا هنمشي من هنا ياهدير ، مش هنقعد هنا
= بإستغراب : هنمشي من هنا ؟ هنعزل يعني ؟
- بابا : تقريبا كدة
= هنروح فين يعني ؟ ، وبعدين مالها الشقة هنا ؟
- ماما : لأ دا إحنا مش هنعزل من الشقة بس ، إحنا هنعزل من القاهرة كلها
= بصدمة : إيه ؟ ، يعني إيه ؟ ليه يابابا ؟ وهنروح فين ؟
- بابا : هنرجع بلدنا ، سوهاج !'' أنا أول ماسمعت كدة إتصدمت أوي ، إتخطفت !! ..''
- ماما : وبنتك وشغلها مافكرتش فيهم ؟ ، بقا بعد مابنينا حياتنا هنا نسيب كل دا ونمشي ؟ وهدير وحياتها ؟ وهنجوزها بقا من سوهاج ؟ نهد كل حاجة عملناها عشانها ؟ و...
= مقاطعةً : أنا موافقة !'' بصولي الإتنين وإتصدموا ! ، ماكنوش متوقعين أكيد إني أوافق وبسهولة كدة ..''
- ماما : موافقة ؟ ، موافقة ترجعي سوهاج وتعيشي هناك ؟
= أيوة ياماما
- ماما بصدمة : إزاي موافقة ؟ بقا أنا رافضة عشانك وعشان حياتك ومستقبلك تقومي توافقي ؟'' روحت قعدت جمب بابا وقولتله ..''
= إنت عايز ترجع سوهاج ليه يابابا ؟
- بابا : عشان خلاص طلعت عالمعاش وماليش شغلانة وزهقت من القعدة ! ، عايز أرجع لأهلي وأشوف أرضي هناك .. وإنتي كمان تعرفي أهلك
= طيب وماله مافيش مشكلة نرجع ! ، وأكيد هلاقي شغل ليا هناك زي هنا
- ماما : والجواز ياهدير ؟
= جواز إيه ياماما ؟ ماتجوز من سوهاج إيه المشكلة ؟ وبعدين ماحدش عارف نصيبه فين ؟
- بابا بإبتسامة : بنت أبوكي صحيح
- ماما بتنهيدة : براحتك إنتي وأبوكي ، إما نشوف في الآخر نصيبك هيوديكي لمين ؟'' لعبدالرحمن ❤ ، قومت دخلت أوضتي وإتصلت علي سلمي صاحبتي وقولتلها عاللي حصل ..''
- بإستغراب : هترجعي سوهاج ؟
= بفرحة : أيوة ..
- وإنتي هتعملي إيه في سوهاج ؟
= يعني إيه هاعمل إيه ؟
- يعني شغلك وحياتك ومستقبلك ؟ ، هتروحي تبنيهم هناك من جديد ؟
= ااه ، وماله ؟
- يعني إيه وماله ؟ ، لاتكوني لسة عندك أمل تشوفي عبدالرحمن ؟
= هيفضل عندي أمل لحد مااموت
- يعني تخاطري بمستقبلك عشانه ؟
= ليه عشانه ؟ ليه ماتقوليش عشان بابا ؟
- هدير !! ، مش عليا ياماما ، إنتي تقدري تقنعي أبوكي وتقعدوا في القاهرة ..لكن إنتي سوهاج جاية علي هواكي
= أنا عايزة أشوفه ياسلمي ، نفسي اشوفه ولو مرة واحدة بس
- وهتشوفيه إزاي ؟ إنتي تعرفيله عنوان أصلا ؟
= لأ ! ، بس هو كان قايلي إن باباه عمدة في قرية مش فاكرة إسمها في سوهاج !
- ااه وإنتي بقا هتروحي تدوّري في سوهاج كلها عليه مش كدة ؟
= بضيق : يوووه ياسلمي ؟ ماتقفلنيش كدة
- بتنهيدة : ماشي ياهدير ، هتمشوا إمتي ؟
= بعد أسبوع ، يادوبك نجهّز نفسنا
YOU ARE READING
اسكربتات هالة أحمد
Short Storyبصوا حبيت اعمل حاجة جديدة ف انا هنا هجمع الاسكربتات اللي الكاتبة هالة أحمد كتبتهم و هنزلهم هنا و اشمعنا هالة أحمد ف ده بصراحة لأني بعشق الكتابات بتاعتها جداً و بعشق أسلوبها اوي و بالمناسبة هي كتبت رواية السنة اللي فاتت في معرض الكتاب 2020 اسمها...