- ياست الكل ..ياست الحبايب ياحبيبة ..قولتهالك مليون مرة ..وآدي المرة المليون وواحد هقولك أنا مش عايزة أتجوز دلوقتي ..أغنيهالك ؟! ..مش عايزة أتجوز ..مش عايزة أتجوز ..مش عاااااااايزاااااة أتجوووووويييييز
= وليه بقاا ياروح ونن عين أمك
- لأ أنا تعبت ، برده هقولهالك للمرة المليون وواحد لما أبقي أخلص دراساتي الأول
= اسمالله ..أصل انتي فالحة في العلام أوووي
- احم .. ليه الإحراج دة طيب
= يابت احنا هنجوزك الصبح ؟؟ .. وبعدين انتي في سنة رابعة يعني اتخطبي فيها السنادي واتجوزي بعد ماأتخلصي .. يابت ؟! .. يابت اسمعي كلام أمك تكسبي ..هتفضلي ترفضي عرسان لحد مااتعنسي زي عمتك .. أهو عدت الأربعين وعايشة وحيدة في شقة جدك تحت ، يابت اسمعي كلامي وقابلي العريس يمكن يعجبك
- يوووووه لأ
= روحي ياشيخة منك لله
- الله يسامحك
= كشفت راسي ودعيت عليكي
- الله يسامحك برده
"" وخرجت ماما من الأوضة ..وسابتني بفكر في كلامها.. كان شاغل تفكيري جداا كلامها عن عمتي ..مش انها عدت الاربعين ومااتجوزتش والكلام الفارغ دة ..لأ ..كان شاغل تفكيري هي ليه مااتجوزتش ..كُنت حاسة دايما ان وراها حدوتة ..وحدوتة حلوة كمان ..بس ماكانش عندي الجراءة إني أسألها ... مافوقتش غير لما دخل حازم أخويا الأوضة عليا ..
= يامساء الخير ياااا ...
- مقاطعة : خير ايه اللي هيجي من ناحيتك انت وأخوك ...منكوا لله انتوا الاتنين
= بضحك : يبقي عريس جديد
- وأخرتها بقااا انا زهقت ...ولما تخلص السنادي مش هيبقي عندي حجة أقولهالهم عشان ارفض العرسان ..وعبد الرحمن أخوك مش حاسس ..بقرة ..لا بيفهم ولا بيحس
= وبتحبيه لييه مادامه بقرة ؟
- عشان انا بقرة أكتر منه ..دا اييه ياارب النيلة السودة اللي انا وقعت فيها دي ..تعرف يلاا لو ماكنتش أخويا في الرضاعة وكنت زيك زي عبد الرحمن ولاد عمي كنت حبيتك انت بدل أخوك ..الجبلة دا
= الحمد لله ان انا اخوكي في الرضاعة
- بتقول حاجة ؟!
= لا ياحبيبتي ..بقول او عبد الرحمن بقاا هو كمان أخوكي في الرضاعة وكنا ارتحنا برده
- والعمل ياحازم !
= قولتلك بيحبك ..والله بيحبك ..دا توأمي وأفهمه من النظرة
- ياشيخ اتلهي ...انت ماعندكش غير البُق دا ..ومادامه بيحبني ماجاش يتنيل يتقدم ليييييه ...سايب العرسان يتقدمه وهو قاعد يتفرج
ESTÁ A LER
اسكربتات هالة أحمد
Contoبصوا حبيت اعمل حاجة جديدة ف انا هنا هجمع الاسكربتات اللي الكاتبة هالة أحمد كتبتهم و هنزلهم هنا و اشمعنا هالة أحمد ف ده بصراحة لأني بعشق الكتابات بتاعتها جداً و بعشق أسلوبها اوي و بالمناسبة هي كتبت رواية السنة اللي فاتت في معرض الكتاب 2020 اسمها...
