اسكربتات هالة أحمد

{78} Part : 14

'' السـفينة ..💛 ''

الفصل الرابع عشر

'' مشهد القتل ''

'' رجع سليمان وفاروق من شركتهما سويًا إلى القصر ،صعد سليمان لغرفته ليبدل ملابسه ،لكن قبل أن يذهب لغرفته اتجه إلى غرفة مريم ،لم تكن بالغرفة ،ثم غرفة آسيا ..فلم يجدها أيضًا ،تعجب كثيرًا ..ذهب إلى غرفة يوسف وطرق الباب ،أذِن له يوسف بالدخول ،فتح سليمان الباب فوجد مريم وآسيا بالغرفة ،فقال ''

- انتوا هنا ؟ ،كنت بدوّر عليكوا
= مريم : خير يابابا ؟
- مافيش حاجة ياحبيبتي ،كنت عايز اتطمن عليكوا بس
= آسيا : احنا كويسين يابابا ماتقلقش

'' نظر سليمان إلى يوسف الذي لم ينظر إليه مطلقًا ،فقال سليمان ''

- وانتَ يايوسف كويس ؟

'' أومأ يوسف برأسه دون أن ينظر إليه ،قال سليمان ''

- عمكوا فاروق جاي هيبات معانا انهاردة ،عندنا شغل في الشركات كتير هنسهر عليه ..هنبقى قاعدين في اوضة المكتب لو احتاجتوا حاجة يعني
= آسيا : تمام يابابا

'' ثم تركهم وذهب إلى غرفته ،أبدل سليمان ملابسه ،ثم اتجه إلى غرفة المكتب ،بعدها صعد فاروق إلى غرفة سليمان وأبدل ملابسه وارتدى من ملابس سليمان ،ثم نزل له ..كان فاروق دالفًا لغرفة المكتب ،لكن توقف فجأةً أمامها وخبط بيده على جبينه قائلًا ''

- يانهار أبيض ! ،ازاي نسيت ؟
= باستغراب : نسيت ايه ؟
- لحظة واحدة

'' وخرج فاروق من القصر وذهب إلى سيارته ،أخرج منها خزنة صغيرة ! ..حملَها ودلف بها القصر مرةً أخرى ،ودلف إلى غرفة المكتب ..حين رآه سليمان يحمل هذه الخزنة تعجب كثيرًا ..فوقف سليمان ''

- ايه دا ؟ ،ايه الخزنة دي ؟

'' وضعها فاروق على سطح المكتب ،نظر لسليمان وقال له ''

= الخزنة دي عايزك تخليها عندك
- باستغراب : ليه ؟ وفيها ايه ؟
= فيها أسرار عمري
- أسرار ؟ ،أسرار ازاي ؟ وعني انا ؟ ..دا احنا قضّينا عمرنا كله مع بعض ،ازاي فيه حاجات عنك انا ماعرفهاش ؟
= فيه ياسليمان ،فيه حاجات كتير أوي ماتعرفهاش
- وليه ماقولتليش عليها من زمان ؟ ،ولّا ماكنتِش واثق فيا ؟
= ماتاخدهاش بالمعنى دا ،انا في فترات في عمري كان ليها ظروف خاصة ،وخوف جوايا لحد دلوقتي مانعني حتى اقولك عليها
- بسخرية : فترات في عمرك ؟ ،انتَ عمرك دا قضيته لوحدك وانا مش واخد بالي ؟
= بتنهيدة : ماعلينا الكلام مالوش لازمة دلوقتي ،خلّي الخزنة دي عندك وهقولك ارقامها ،بس ماتفتحهاش غير لما انا اموت
- انتَ بتقول ايه ؟
= اسمع بقا
- وانتَ تعرف مين فينا هيموت الاول ؟ ،دا انا اللي متهدّد بالقتل دلوقتي
= سليمان ! ..لو مُت انا الاول ابقى افتح الخزنة بعدها ،الخزنة دي فيها اوراق مهمة جدًا ،انا كاتب كل الحاجات اللي انتَ ماتعرفهاش عني هنا ،ولو مُت انتَ الاول هبقى اخلّي الخزنة مع يوسف