- إنتي يابنتي ، مااتخلصي أكل إيه الفجع اللي إنتي فيه دة
= الله !..جرا إيه ياهدير إنتي بصالي في الأكل اللي باكله ؟ ، وبعدين لسة بدري عالمحاضرة
- يابنتي إخلصي بقاا لا الواد اللي معرفش إسمه إيه دة ينطلنا دلوقتي
= بإبتسامة : عبد الرحمن ؟!
- بتأفف : أيوة ..إخلصي بقاا
= طيب خلاص خلصت أهو ، يلا بينا"" ولسة يادوب بنقوم لقيناه في وشنا ..""
- ياساتر يارب ..يابني إنت بتطلع منين
= بإبتسامة : إزيك ياهدير
- مش كويسة ..مش كويسة خاالص ، طول مانا بشوفك مش هبقي كويسة خالص
= بإبتسامة : مش مهم ، هتبقي كويسة لما تحبيني
- بغضب : إنت عبيط يابني ؟! ، مجنون ؟! ..فيه حاجة بايظة في دماغك ؟! ..يابني إنت محتاج تتعالج إنت.....
= مقاطعاً : إتفضلي الوردة
- مش هاخد حاجة
= لو ماخدتيش الوردة هزعق بأعلي صوتي وأفضحك وأقول إنك البت بتاعي وماشية معايا من ورا أهلك وإلحقوووووناااااا يااااااانااااااس البنت دي عااا.....
- مقاطعةً بخوف : بس بس إنت إتجننت ، إيه اللي إنت بتعمله دة ؟!!!
= خدي الوردة
- بغضب : هااات"" بني آدم مجنون ومتخلف ، مُصر يحرق دمي ..ومُصر يتجوزني ، طلعلي من أسبوعين كدة وكل يوم يوديني وردة صفرة ويمشي ..بني رخم أوووي ومريض ..""
- يارب بقاا ، يارب بقاا خلصني من البني آدم البارد دة
= بضحك : والله عسل ودمه خفيف وحليوة كدة ، مش عارفة إنتي مش طايقاه ليه
- بغضب : إخرسي يازينب عشان ماخليش وشك شوارع دلوقتي
= خلاص أهو سكت
- يلا إنجري قدامي عالمحاضرة
= أوامرك ياكَبيرة"" وبعدين بقاا أخرة الهبل دا إيه ، أنا مابحبش كدة ولعب العيال دة ماليش فيه ..والمشكلة إني مش عارفة أوقفه إزاي أصلا ، أصلي هعمل إيه أكتر من إني أهزقه .. هو لو بني آدم حسيس كان بِعد من أول مرة أتهزأ فيها ، بس دا ماعندهوش دم ..الله يقريف عليه ، الله يقريف عليه ..""
- أبو وردة صفرة ماظهرش ليه لحد دلوقتي دا إحنا خلاص مروحين
= يابنتي إنتي مصرة تتهزأي ليه ؟! ..إخرسي يازينب وإحمدي ربنا إن هاااااااااااااااا"" فجأة من العدم كدة ظهر ، وخضني ووقف قدامي وبيضحك ..""
- إزيك ؟!
= يادي النيلة عليا وعلي سنيني السودة ..دا أنا لسة ماكملتش الجُملة
- كان عندي محاضرة معلش إتأخرت عليكي
= ياأخي إتأخر ..إتأخر علي طول وياريت يكون عندك دم وتبعد وماتجيش تاني ولا تقف قدامي ولا.....
- إتفضلي الوردة
= بغضب : يوووووووووه ..هاات"" إبتسملي وكان هايمشي بس أنا اللي وقفته ..""
- إستني !!
= نعم
- إشمعني بتوديني كل مرة وردة ؟! وليه صفرة ؟!
= تدفعي كام وأقولك
- بغضب : إمشي مش عايزة أعرف أنا اللي غلطان.....
= مقاطعاً : بوديكي وردة صفرة لسببين ، وردة لأن أكتر حاجة بحبها في حياتي الورد وبغير عليه ..مابحبش حد يمسك ورد غيري ومش بحب أهادي بيه حد ولا أحب أشوف حد ماسك ورد قدامي ، ولما بديكي وردة دا معناه إنك أغلي حاجة في حياتي وإن الورد اللي بغير عليه من أيادي الناس في إيدك إنتي بساتين
YOU ARE READING
اسكربتات هالة أحمد
Short Storyبصوا حبيت اعمل حاجة جديدة ف انا هنا هجمع الاسكربتات اللي الكاتبة هالة أحمد كتبتهم و هنزلهم هنا و اشمعنا هالة أحمد ف ده بصراحة لأني بعشق الكتابات بتاعتها جداً و بعشق أسلوبها اوي و بالمناسبة هي كتبت رواية السنة اللي فاتت في معرض الكتاب 2020 اسمها...