اسكربتات هالة أحمد

{8}

'' حدوتين في حدوتة ❤ ''

'' الأولي ''

- بضحك : صباحية مُباركة ياعروسة
= إخرسي يازينب ، صباحية إيه وزفت إيه علي دماغك
- بضحك : خلاص ياقُطة ماتزعليش
= بقا إنتي تصدقي يازينب اللي حصلي ؟ ، أنا !! ..أنا أتجوز واحد زي عبدالرحمن يازينب ؟! بقا أنا دكتورة وأتجوز واحد فلاح !! وماعيهوش شهادة ؟  ليه ؟ دا كله عشان إيه ؟ عشان ورثي مايروحش لحد غريب ؟
- وهو يعني كان بمزاجك ؟ مش جدك اللي غصبك علي الجوازة دي ؟ وقالك هاتتجوزي إبن عمك ومش هتكملي تعليم كمان عشان تبقي إنتي وإبن عمك زي بعض ..معاكوا شهادة الثانوية بس ، بس كويس إن جوزك طلع عاقل وهو اللي أصر تكملي تعليمك
= بس ماتقوليش جوزي بس ، بتضايق لما بسمع كدة ..الله يرحمك يابابا ..لو كان عايش ماكنش جدو قِدر يتحكم فيا بالطريقة دي ، وكان زماني دلوقتي أتجوز واحد في نفس مستوايا ، كان زماني لسة مع حازم يازينب
- دا حازم عايش في حالة إكتئاب رهيبة من يوم ماعرف بموضوع جوازك دة ، صعبان عليا أوي
= بحزن : وأنا يازينب ؟ ، أنا أصعب علي مين ؟ أنا مين يحس بيا وباللي أنا فيه ؟ أسيب حبيبي وأتجوز واحد ماعرفش عنه حاجة غير إنه إبن عمي ومعاه شهادة الثانوية وفلاح بيشتغل في أرض ودا كله عشان ورثي مايروحش لحد غريب ؟ ملعون الورث ..كانوا ياخدوه ويسيبوني أعيش حياتي براحتي وأتجوز اللي بحبه
- طب إهدي بس كدة ، مش قولتي إن إنتي مش هتعيشي معاه وأخرك سنة وهتطلبي الطلاق ؟ خلاص بقا .. إستحمليها وعيشي حياتك برده عادي ..ولما تتطلقي جدك وقتها مش هيقدر يقولك حاجة ، وهتبقي خلصتي من عبدالرحمن دا ومعاكي ورثك كمان
= بنتهيدة : ربنا يسهل يازينب ..وكل اللي بتمناه يحصل
- يارب ياحبيبتي

'''' قفلت مع زينب وأنا متضايقة ومكتئبة أوي ، لسة مش مستوعبة اللي حصلي ..''''
'''' أنا من الشرقية ، من قرية في الريف ..عشت طول عمري في القاهرة أنا وبابا وماما ، وبابا إتوفي من تلت سنين ..وقتها جدو رفض إن أنا وماما نعيش في القاهرة لوحدنا بحكم إننا ستات وماينفعش نعيش لوحدنا فاروحنا وعشنا في الشرقية ، أنا في السنة الخامسة في كلية الطب وبحب حازم ، حازم زميلي في الكلية وبنحب بعض من وإحنا لسة في سنة أولي ، المهم فجأة جدو قرر من شهرين إن أنا وإبن عمي دا نتجوز للسبب اللي إنتوا عرفتوه وأنا ماقدرتش أرفض  ..وإمبارح كان يوم فرحي ، أو بالمعني الأصح يوم حزني وتعاستي .. أنا حقيقي مش طايقة اللي إسمه جوزي دة ! ، إتفقت معاه من إمبارح كل واحد هيقعد في أوضة لوحده ..وجبتهاله مرة واحدة كدة إن أنا مش هكمل معاه وأخره معايا سنة ونتطلق عشان ماحدش يقول حاجة ! ، الحقيقة هو ماردش .. هو شكله خجول ، صوته مابيعلاش ..ماعقّبش خالص علي اللي أنا قولته غير إنه هز راسه بالموافقة ..''''
'''' إحنا في الأجازة ، كنت بعِد الأيام عشان الدراسة تبدأ وأطلع من البيت والقرف اللي أنا عايشة فيه .. ومشيت بينا الأيام ، ولقيت في يوم عبدالرحمن داخل الشقة وفي إيده بوكيه ورد ، وجه وقف قدامي وقال ..''''