اسكربتات هالة أحمد

{67}

'' ثانوية عامة ..💛! ''

'' إن دفعتك الحياة إلي منعطف لا تُريده ، تذكر أنّ أغلب نِقاط التحوّل المهمة يُساق إليها الإنسان كُرهًا لا محبةً ، واضرارًا لا اختيارًا ..''

- أنا خايف ياماما ..!
= ماتخافش يامعاذ خير إن شاء الله ، إن شاء مش هتقل عن 98% إن شاء الله
- يارب ياماما ، يارب

'' بصيت لبابا اللي بيحاول يفتح الموقع ..''

- هاا يابابا ظهرت ؟
= لسة ..مكتوب ترقبوا بعد قليل
- يارب

'' الثواني بتعدي كإنها ساعات ، والساعات بتعدي كإنها سنين ! ..نتيجة تعبي طول السنة هتظهر كمان دقايق ، وحلمي اللي بحلمه طول عمري خلاص أهو ..دقايق ياإما هأُبشّر بيه أو أُبَشّر بضياعه ، كنت خايف أوي ومتوتر جدًا ، بدعي ربنا مايخذلنيش

'' خرجني من دوامة تفكيري صوت رن الموبايل ، كان عمار صاحبي ، دخلت أوضتي ورديت عليه ..''

- معاذ : أيوة ياعمار
= عمار : إيه الموقع فتح معاك ؟
- معاذ : لأ وانتَ ؟
= عمار : لا ..علي فكرة ياسين معانا عالخط ، أنا قلقان أوي ..انتوا مش عارفين انا لو ماجبتش مجموع عالي ممكن يحصلي ايه
- ياسين : ياجماعة تفائلوا بالخير ، احنا كلنا تعبنا وان شاء الله ربنا هيكرمنا
= يارب
- ياسين : تعالوا نروح نصلي ركعتين كدة وندعي ربنا بدل القلق اللي احنا فيه دا
- معاذ : يلا

'' قفلت ، وروحت اتوضيت وصليت ركعتين وانا بدعي بقلبي إنّي أجيب مجموع عالي وادخل كلية الطب اللي نفسي فيها ..وانا بسلّم سمعت بابا بيقول إن الموقع فتح ..خرجت جري وكانت الثواني اللي بابا بيكتب فيها رقم جلوسي والوقت اللي خده الموقع عشان يفتح تقيلة علي قلبي جدًا ، شوفت الصدمة علي ملامح بابا ..قلبي وقع ! ..''

- معاذ : إيه يابابا ..كام ؟

'' رفع بابا راسه من علي الموبايل وقال ..''

= 99,3 % !
- بصدمة : كام ؟!!

'' فجأة أمي زغرطت وأبويا جري عليا وحضني وانا لسة مذهول من نتيجتي ، مش مصدق ! ..''

= بابا بفرحة : ألف مبروك يامعاذ ، مبروك ياحبيبي

'' واحدة واحدة وتدريجيًا بدأت أستوعب وفرحت جدًا جدًا ..''

....

'' كنت متوتر جدًا وانا بفتح الموقع وأهلي كلهم حواليا ولما الموقع فتح وشوفت نتيجتي ! ..98,4 % ، قومت من علي الكرسي واتنطت من الفرحة ..''

- عمار : 98,4 %

'' اخواتي صرخوا من الفرحة وماما وبابا حضنوني ، وفجأة اتملي البيت بالزغاريط ..''

- بابا بفرحة : ألف مبروك يا ياسين ، ألف مبروك ياض رفعت راسنا
= بفرحة : الله يبارك فيك يا بابا
- عارف لو كنت جبت مجموع صغير ، ماكنتش عارف انا كنت هعمل إيه
= بضحك : طب الحمد لله انه عالي