သူသည် အလန့်တကြားဖြစ်သွားသည်မို့ အားခနဲ ကျယ်လောင်စွာအော်လိုက်မိ၏။ သူ၏အော်သံကြောင့်
အနီးအနားရှိလူများ၏ အာရုံသည် သူ့အပေါ်ကျရောက်လာသည်။"သွားပါပြီ..."
အင်္ကျီကိုစွန်းပေသွားသော ရေခဲမုန့်ကို ကြယ်လေး ကြည့်ရင်း ရှုံ့ရှုံ့မဲ့မဲ့ပြောသည်။ သူသည် ဝေဖာကတော့ချွန်ကို လက်ဖြင့်ဆွဲဖယ်လိုက်သည်။ ရေခဲမုန့်မှာမူ ရစရာမရှိလောက်အောင် သူ့အင်္ကျီအပေါ်ပေကျံသွားလေပြီ။
"အဆင်ပြေရဲ့လား..."
လူအုပ်ကြားထဲမှ နက္ခတ်တိုးထွက်လာ၏။ လူများသည်
နက္ခတ်ထွက်လာသည်မို့ ဘေးသို့ရှောင်ပေးကြသည်။နက္ခတ်ကိုမြင်လိုက်သဖြင့် ကြယ်လေး မျက်နှာအရောင်တောက်သွား၏။ တစ်ဆက်တည်းမှာပင် သူဖြစ်နေသော ကိုရို့ကားယားပုံစံကြောင့် အတန်ငယ်ရှက်သလိုခံစားလိုက်ရသည်။
နက္ခတ်သည် တစ်စုံတစ်ယောက်ချော်လဲသွားမှန်းသိလိုက်သောကြောင့် ထိုသူဆီတိုးထွက်လာခဲ့သော်လည်း ထိုသူမှာ ကြယ်လေးမှန်း မသိခဲ့ချေ။ ထို့ကြောင့် ကြမ်းပြင်ပေါ် ပက်လက်လေးလဲနေသော ကြယ်လေးကိုမြင်သောအခါ
"ကြယ်လေး..."
ဟု တအံ့တဩရေရွတ်မိလိုက်သည်။
"Hello အစ်ကို..."
ကြယ်လေး မချိပြုံးလေးဖြင့် နှုတ်ဆက်၏။ ထို့နောက် သူသည် ဘာအတွက်ကြောင့် ချက်ချင်းပြန်မထဘဲ ကြမ်းပြင်ပေါ်ဆက်လှဲနေရပါသလဲ ဟုသတိရလာသည်။ ကြယ်လေး ကမန်းကတန်းကုန်းထ၏။
နက္ခတ် သူ့ကို လက်ကမ်းပေးလာသည်။
ကြယ်လေး နက္ခတ်၏လက်ကိုကြည့်ပြီး နက္ခတ်ကိုမော့ကြည့်လိုက်၏။ ပွဲအခမ်းအနားအတွက်မို့ ပြင်ဆင်လာသော နက္ခတ်သည် သာမန်ထက်ပို၍နှစ်ဆချောနေသည်။
သူ ပြုံးမိလိုက်ကာ နက္ခတ်လက်ကို ဆွဲပြီးထ,လိုက်သည်။"နာသွားသေးလား..."
နက္ခတ် ညင်သာစွာမေးသည်။ ကြယ်လေး ခေါင်းတဆက်ဆက်ခါပြ၏။
"ဟင့်အင်း...မနာပါဘူး..."
"ဒီမှာ ပေသွားပြီ..."
YOU ARE READING
MISSION IMPOSSIBLE : mission to get crush
Romancecrush က ကိုယ့်ကို ပြန်ကြိုက်ဖို့ဆိုတာ မဖြစ်နိုင်တဲ့ကိစ္စကြီးလိုပဲ.... အထူးသဖြင့် ကိုယ်ကလည်း ယောက်ျားလေး....သူကလည်းယောက်ျားလေး ဖြစ်နေရင်ပေါ့.... crush က ကိုယ့္ကို ျပန္ႀကိဳက္ဖို႔ဆိုတာ မျဖစ္ႏိုင္တဲ့ကိစၥႀကီးလိုပဲ.... အထူးသျဖင့္ ကိုယ္ကလည္း ေယာက္်ားေလး...
Part - 4
Start from the beginning