[Unicode]
တောင်!
တိတ်ဆိတ်နေသောစာသင်ခန်းအတွင်း ထွက်ပေါ်လာသော message သံသည် သာမန်ထက်ပို၍ကျယ်လောင်သွား၏။
သင်္ချာတစ်ပုဒ်ကို whiteboardပေါ်တွင်တွက်ချက်နေသော
ဆရာမသည် သူမ၏ရွှေရောင်မျက်မှန်ကိုင်းကိုပင့်တင်ရင်း မျက်နှာထားတင်းတင်းဖြင့်အနောက်သို့ လှည့်ကြည့်သည်။ အခန်းတွင်းရှိ ငြိမ်သက်နေသော
ကျောင်းသားတို့သည် ဖုန်းအသံမှာမည်သူ့ဆီကဖြစ်ကြောင်း ဟိုကြည့်ဒီကြည့်ဖြင့် မသိမသာရှာဖွေကြသည်။လင်းသည် ကမန်းကတန်းဖြင့် လွယ်အိတ်၏အရှေ့ဆုံးအိတ်ထဲ၌ထည့်ထားသောဖုန်းကို လက်ဖြင့်စမ်းလိုက်၏။စာသင်ချိန်ကြီး ဘယ်သူကများ လင်းကို
messageပို့ပါလိမ့်။" ငါစာသင်နေတုန်း ဖုန်းအသံတွေပိတ်ထားနော်"
ဆရာမသည် အသံကျယ်ကျယ်ဖြင့်မာတင်းစွာပြောကာ အရှေ့သို့ပြန်လှည့်သွားသည်။ထိုအခါမှ လင်းသည်
ခိုးကြောင်ခိုးဝှက်ဖြင့် လွယ်အိတ်ထဲရှိဖုန်းကိုနှိုက်လိုက်သည်။ အံဆွဲအောက်ထဲဖုန်းကိုထည့်ကာ ဦးစွာဖုန်းအသံကိုပိတ်လိုက်သည်။ ထို့နောက် ရောက်ရှိနေသော
message ကိုဖတ်လိုက်သည်။ကိုကို ဟုမှတ်ထားသောနံပါတ်လေးတစ်ခုမှ ပို့ထားသော
#အခုကျောင်းကိုလာနေတာ။ လှည်းတန်းရောက်နေပြီ။
ဘာစားချင်လဲ။လှည်းတန်းကနေ ဝယ်လာခဲ့မယ်#ဟူသော စာတစ်စောင်ဖြစ်ပါသည်။
လင်း၏လက်မနှစ်ချောင်းတို့ ဖုန်းမျက်နှာပြင်ပေါ်ပြေးလွှားလိုက်သည်။
#bubble teaနဲ့ လှည်းတန်းက ကျွန်တော်ကြိုက်တဲ့ပေါင်မုန့်ဆိုင်သိတယ်မလား။ အဲ့ကနေ အမဲသားညှပ်ထားတဲ့ပေါင်မုန့်ဝယ်ခဲ့ပါ။ စားချင်နေတာနဲ့ အတော်ပဲ#
"လင်း"
ဘေးနားရှိသုတသည် လင်း၏လက်မောင်းကို တို့လိုက်သည်။ အသိပေးသည့်အမူအရာမှန်းသိသည်မို့ လင်းသည် ချက်ချင်းပင် ဖုန်းကိုလွယ်အိတ်ထဲပစ်ထည့်ကာ
စာအုပ်ကိုစူးစိုက်ကြည့်သလို ပြုလိုက်သည်။
YOU ARE READING
MISSION IMPOSSIBLE : mission to get crush
Romancecrush က ကိုယ့်ကို ပြန်ကြိုက်ဖို့ဆိုတာ မဖြစ်နိုင်တဲ့ကိစ္စကြီးလိုပဲ.... အထူးသဖြင့် ကိုယ်ကလည်း ယောက်ျားလေး....သူကလည်းယောက်ျားလေး ဖြစ်နေရင်ပေါ့.... crush က ကိုယ့္ကို ျပန္ႀကိဳက္ဖို႔ဆိုတာ မျဖစ္ႏိုင္တဲ့ကိစၥႀကီးလိုပဲ.... အထူးသျဖင့္ ကိုယ္ကလည္း ေယာက္်ားေလး...