[Unicode]
ရေပိုက်မှထွက်လာသော ရေတို့သည် အပင်ခြေရင်းပေါ်သို့
ဖွာခနဲကျရောက်သွား၏။ မြေကြီးနှင့်ရေတို့ ထိတွေ့ရာနေရာတွင် စိုစွတ်သောရွံ့များက ဖြစ်ပေါ်လာသည်။ ရေများအိုင်ထွန်းနေသော ညိုညစ်ညစ်ရွံ့များကို နက္ခက်.... တွေတွေကြီး
စိုက်ကြည့်နေမိသည်။" လင်းသုခတ်ကို ကြိုက်နေတာလား....အရင်တစ်ခါကလို
ကြိုက်ရင်ကြိုက်မယ်...မကြိုက်ရင် မကြိုက်ဘူးလို့...
ဟိုမရောက် ဒီမရောက်မပြောနဲ့...တိတိကျကျပြော..."ငွေဆောင်တွင် ရှင်းယံမေးခဲ့သည့် မေးခွန်းတစ်ခု.....။
ထိုမေးခွန်းကိုမေးခဲ့စဉ်က ရှင်းယံ၏ မျက်နှာသည်
အလွန်အမင်း လေးနက်တည်ကြည် နေခဲ့သည်....နက္ခက်.... ထိုမေးခွန်းကိုမဖြေချင်....
ထိုမေးခွန်းအတွက် အဖြေသည် နက္ခက်အတွက် အကန့်အသတ်ရှိနေခဲ့သည်။ နက္ခက်၏အဖြေကို တစ်စုံတစ်ယောက်က
သတ်မှတ်ပေးပြီးဖြစ်သည်....ထိုနေ့က နက္ခက်ဖြေခဲ့သောအဖြေမှာ...
" ဟင့်အင်း...ငါသူ့ကိုမကြိုက်ဘူး...သူက ငါ့အတွက်
သူငယ်ချင်းတစ်ယောက်ပဲ"ထိုအဖြေစကားကိုကြားတော့ ရှင်းယံပြုံးသွားသည်ကို
မှတ်မိသေးသည်။ နက္ခက်၏ရင်ထဲတွင်တော့ နင့်ခနဲ အောင့်သွားပါသည်။ ရှင်းယံက သွားထက်ပေါ်အောင်ပြုံးရင်း...." တော်သေးတာပေါ့..."
ဟုတိုးညှင်းစွာ ရေရွတ်ချိန်တွင် နက္ခက်၏စိတ်သည်
ကျောက်ခဲများပစ်ထည့်လိုက်သကဲ့သို့ လေးလံသွားရသည်။
လေးလံမှုနှင့်အတူ လှိုက်ဟာသွားရသည်။ ထိုခံစားချက်တို့ကို
ရှင်းယံ မတွေ့မြင်အောင် အပြုံးတုဖြင့် ဖုံးကွယ်လိုက်ရသည်။နောက်တစ်နေ့တွင် ကျုးရင့်ကို ရှင်းယံ၏မေးခွန်းအကြောင်း
ပြောပြသောအခါ ကျူးရင့်ထံမှ" အို...နင်အဲ့လို ပြန်ဖြေလိုက်တယ်ပေါ့...တော်တယ်...
တော်တယ် "ဟူသော ချီးကျူးစကားကို ရရှိခဲ့သည်။
နက္ခက်သည် ထိုအကြောင်းကို ပြန်တွေးမိသောအခါ ရေပိုက်ကိုတင်းတင်းဆုပ်ကိုင်ရင်း သက်ပြင်းချလိုက်မိသည်။
YOU ARE READING
MISSION IMPOSSIBLE : mission to get crush
Romancecrush က ကိုယ့်ကို ပြန်ကြိုက်ဖို့ဆိုတာ မဖြစ်နိုင်တဲ့ကိစ္စကြီးလိုပဲ.... အထူးသဖြင့် ကိုယ်ကလည်း ယောက်ျားလေး....သူကလည်းယောက်ျားလေး ဖြစ်နေရင်ပေါ့.... crush က ကိုယ့္ကို ျပန္ႀကိဳက္ဖို႔ဆိုတာ မျဖစ္ႏိုင္တဲ့ကိစၥႀကီးလိုပဲ.... အထူးသျဖင့္ ကိုယ္ကလည္း ေယာက္်ားေလး...