Unicode
- အစ်ကိုတို့ အခုတွေ့လို့ရမလား
ရှင်းယံထံမှ ရောက်လာသော message ကိုမြင်သော်
Liam သည် ဝမ်းသာမှုဖြင့်ပြုံးလိုက်မိ၏။ ရှင်းယံနှင့် သိလာသည့်တစ်လျှောက် ပထဆုံးအကြိမ်ဖြင့် ရှင်းယံဘက်မှ
စတင်ခေါ်ဆိုခြင်း မဟုတ်ပါလား။သူသည် ပျော်ရွှင်မြူးတူးစွာဖြင့် ချက်ချင်းပင် ထ,ပြင်ဆင်ကာ ရှင်းယံချိန်းထားရာဆိုင်သို့ ထွက်လာခဲ့သည်။ ဆိုင်သို့ရောက်သောအခါ ရှင်းယံကို လှမ်းမြင်လိုက်သဖြင့် ပြုံးပျော်စွာသွားစဉ် စားပွဲ၌ရှင်းယံတစ်ယောက်တည်းမဟုတ်ဘဲ တခြားသောလူနှစ်ယောက်ပါ ရှိနေမှန်းသိသောအခါ သူ့မျက်နှာမှုန်ကုတ်ကျသွားသည်။
လေးထောင့်စားပွဲခုံတွင် သူသည် ရှင်းယံ၏ရှေ့တည့်တည့်၌ဝင်ထိုင်လိုက်သည်။
"သူတို့နှစ်ယောက်က ဘယ်သူတွေများလဲ"
Liam သည် မှုန်ကုတ်သွားသောမျက်နှာကိုချက်ချင်းပြင်ကာ ချိုသာသောအပြုံးလေးဖြင့်မေး၏။
နိုးနိုးသည် Liam ကိုမျက်ခုံးပင့်၍ခြေစခြေဆုံးကြည့်နေလေသည်။ ချစ်စဖွယ်ကောင်းလွန်းသောမျက်နှာလေးနှင့် ဖြူဖြူနုနုဥဥကောင်လေးတစ်ယောက်ပင်ဖြစ်ပြီး နိုးနိုးသည် ထိုကဲ့သို့ပုံစံမျိုးနှင့်ကောင်လေးများကို အလိုလိုမေတ္တာရှိတတ်သော်လည်း ဒီတစ်ယောက်ကိုမူ မြင်တာနှင့် စိတ်ထဲချဉ်နေလေသည်။
" အစ်ကို့ရဲ့သူငယ်ချင်းတွေပါ..."
ရှင်းယံသည် နိုးနိုးနှင့်သုတကို လွယ်လွယ်ကူကူမိတ်ဆက်ပေးလိုက်သည်။ ထို့နောက် သူ၏ဖုန်းကိုထုတ်ပြီး
Liam ရှေ့သို့ချပေးလိုက်သည်။" အစ်ကို Liam ကိုခေါ်လိုက်တာ ဒီကိစ္စကြောင့်..."
Liam သည် ဖုန်းထဲမှပုံများကိုမြင်သော် အံ့အားသင့်ဟန်ဖြင့် ကြည်စင်သောမျက်လုံးလေးများဝိုင်းစက်သွား၏။
သူသည် ထိတ်လန့်သွားသည့်ဟန်။ ပွင့်အာသွားသောနှုတ်ခမ်းကို လက်ဖြင့်ပိတ်လိုက်ပြန်သည်။"ဒီပုံတွေက ဘာတွေလဲ...."
"အဲ့တာကို ကျွန်မတို့ကမေးရမှာပါ...ဒီပုံတွေက ဘာတွေလဲ...Liam ရှင့်..."
YOU ARE READING
MISSION IMPOSSIBLE : mission to get crush
Romancecrush က ကိုယ့်ကို ပြန်ကြိုက်ဖို့ဆိုတာ မဖြစ်နိုင်တဲ့ကိစ္စကြီးလိုပဲ.... အထူးသဖြင့် ကိုယ်ကလည်း ယောက်ျားလေး....သူကလည်းယောက်ျားလေး ဖြစ်နေရင်ပေါ့.... crush က ကိုယ့္ကို ျပန္ႀကိဳက္ဖို႔ဆိုတာ မျဖစ္ႏိုင္တဲ့ကိစၥႀကီးလိုပဲ.... အထူးသျဖင့္ ကိုယ္ကလည္း ေယာက္်ားေလး...