[Unicode]
စားသောက်ဆိုင်မှအပြန်တွင် ရှင်းယံထံမှ
" အစ်ကိုနဲ့ လိုက်ခဲ့လေ...အိမ်ပြန်ပို့ပေးမယ်...."
ဟူသောစကားသည် လင်းကို ကြည်နူးပျော်ရွှင်သွားစေသည်။
ဒီတစ်ခါ နက္ခက်နှင့်သူ မလုတာ ကျေးဇူးတင်ရမည်.....
ရှင်းယံက ဒီတစ်ခါ ထူးထူးခြားခြား Driver မပါလာဘဲ
ကားကို သူကိုယ်တိုင် မောင်းလာတာတဲ့.... ။
Driver မပါတော့ပိုကောင်းသည်....
ရှင်းယံနဲ့ ၂ယောက်တည်း အတူရှိရမည်မလား....
ရှင်းယံက ကားစရီယာရင်ရှေ့တွင်ထိုင်ရင်း ခါးပတ် ပတ်လိုက်သည်.....လင်းလည်း ခါးပတ်ကြိုးကိုဆွဲလိုက်ပါသေးသည်...နောက်မှ ရုပ်ရှင်ထဲတွင် တွေ့ရဆုံးသော ဇာတ်ဝင်ခန်း
တွေကို သွားသတိရမိပြန်သည်....
" ခါးပတ်ကြိုးက ကျပ်နေတယ်ထင်တယ်...."
မုသားလေးနဲ့ပြောရင်း သရုပ်ဆောင်မှုအတန်ငယ်ထည့်ရသည်။ ကြိုးကို အားမရှိစွာဆွဲပြရင်း တကယ်ကျပ်နေသလို
ဟန်ဆောင်ရသေးသည်....။
တကယ်တမ်းဖြစ်သင့်သည် က ရှင်းယံက လင်းဘက်ကို တိုးကပ်လာပြီး ကြိုးကိုကူဆွဲပေးရမည်....ထိုမှသာ ရှင်းယံနဲ့
လင်းတို့ မျက်နှာချင်း သိပ်ကိုနီးကပ်သွားလိမ့်မည်....
သို့သော် ရှင်းယံက တစ်ချက်သာ လှမ်းကြည့်ပြီး
အေးတိအေးစက်အသံနှင့်...
" ဟုတ်လား...." ဟူသော တစ်ခွန်းထဲ။
" ကြိုးက တကယ်ကျပ်နေတာနော်..."
" အားထည့်ပြီးဆွဲကြည့်လိုက်လေ...."
ရှင်းယံ...ကားစက်နှိုးလိုက်သည်။ လင်း၏ ဉာဏ်ဆင်မှုဂွင်ထဲ
မရောက်လာသဖြင့် စိတ်ထဲညစ်မှိုင်းသွား၏.......
"မလုပ်ပေးလဲ နေတော့ဟာ" ဟု စိတ်ပေါက်ပေါက်ဖြင့်
တွေးရင်း ကြိုးကို ဆွဲပြီး ပတ်လိုက်သည်....
" ရသွားပြီပဲ...."
ရှင်းယံ၏ စကားကြောင့် လင်းမျက်မှောင်ကြုတ်မိသည်....
ရှင်းယံက ကားကို စတင်မောင်းထွက်လိုက်၏....
ရှင်းယံ၏ လက်ချောင်းသွယ်သွယ်ဖွေးဖွေးလေးများသည်
စတီယာရင်ကိုကိုင်ထားသည်ကိုမြင်ရသည်မှာ သိပ်ကို
ဆွဲဆောင်မှုရှိသည်ဟု ထင်မိသည်.....
YOU ARE READING
MISSION IMPOSSIBLE : mission to get crush
Romancecrush က ကိုယ့်ကို ပြန်ကြိုက်ဖို့ဆိုတာ မဖြစ်နိုင်တဲ့ကိစ္စကြီးလိုပဲ.... အထူးသဖြင့် ကိုယ်ကလည်း ယောက်ျားလေး....သူကလည်းယောက်ျားလေး ဖြစ်နေရင်ပေါ့.... crush က ကိုယ့္ကို ျပန္ႀကိဳက္ဖို႔ဆိုတာ မျဖစ္ႏိုင္တဲ့ကိစၥႀကီးလိုပဲ.... အထူးသျဖင့္ ကိုယ္ကလည္း ေယာက္်ားေလး...
